[ابوفهد العويمري]

القلب يبرم بالهواجيـس ويديـر = من جادل جتنا طوارف اطروشـه
قام الفهيم وصخر القيل تصخيـر= قرايض مـا ولفوهـا الدحوشـه
والله يالولا باقي الناس لا اشيـر = اخاف من ناس تنثـر اقفوشـه
لااقول عجـوا بالبنـي الغناديـر = وعزي لمن له عشقه ما يحوشه
مصور منبوز الأرداف تصويـر = تصوير وشحا نايشتها اعطوشـه
لا بالقصار ولا الطوال الطناطيـر= ولا بالغلاظ ولا دقـاق نشوشـه
خده من الموت الحمر به دواوير = كن الصعيوي دورجن في نقوشه
خده عفر واصفر كما ذوبة الكير = والخشم مصقول بلمـات هوشـه
والردف شط امتيه له على ضير = امه جضور وراعية مـا ينوشـه
وإلا يشادي نابيـات الحماريـر = عقب الهبوب ونايشتها رشوشه
وثنيوات التـرف غـر مغاتيـر = من شافها يسقم على اردا معوشه
والعين عين اللي بروس العناقير = نجل سواد عيونها مع ارموشـه

الموضوع الأصلي: قصيد غزليه للشاعر خلف ابو ازويد الشمري | | الكاتب: ابوفهد العويمري | | المصدر: شبكة بني عبس

[عبدالله معزي]

احسنــــــــــــــــــــــــــــــــــــــــــــــ ــــــــــــــــــــــــــــــــــــــــــــت الاختيار
اشــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــكرك على النقل المميز
تحيـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــاتي

[رويبح رباح العويمري]

مشكور يابو فهد على نقلك لهذي القصيده الرائعه

وصح لسان شاعرها

[ابوفهد العويمري]

مشكورين على المرور الاخوه عبدالله -رويبح - راشد

[ذيب النوامسه]

مشكور اخي على نقل القصيدة الرائعة
صح السان الشمرى ولا هنت على النقل

[ابوفهد العويمري]

ذيب النوامسه مرورك يشرفني

[المكوشح]

ابوفهد شكرا على النقل وصح لسان شاعرها