[رويشد]

السلام عليكم
واعتذر من الجميع الطاروق خاص لناصر خنيفر

يا سلامي على ناصر وناصر صحيب = ردة ٍ سالمه من كيد عدوانها
بين أكل الزبيب وبين ضرب الحبيب = قصة ٍ معك مفتاح ٍ لبيبانها

الموضوع الأصلي: يا سلامي على ناصر وناصر صحيب | | الكاتب: رويشد | | المصدر: شبكة بني عبس

[المرقاب النايف]

الموقع يعلق

[ناصر خنيفر]

اقتباس من مشاركة رويشد السلام عليكم واعتذر من الجميع الطاروق خاص لناصر خنيفر يا سلامي على ناصر وناصر صحيب = ردة ٍ سالمه من كيد عدوانها بين أكل الزبيب وبين ضرب الحبيب = قصة ٍ معك مفتاح ٍ لبيبانها

هلا رويشد الموقع متلخبط كل مابغيت ارسل طمرله بخطا وبتلشت خله لين يصلح

[رويشد]

تبقى يابوتركي والله يستر لا تطول حالته ههه

[ناصر خنيفر]

اقتباس من مشاركة رويشد السلام عليكم واعتذر من الجميع الطاروق خاص لناصر خنيفر يا سلامي على ناصر وناصر صحيب = ردة ٍ سالمه من كيد عدوانها بين أكل الزبيب وبين ضرب الحبيب = قصة ٍ معك مفتاح ٍ لبيبانها

اسمع يوم الموقع صحا


مرحبا ماعوى في راس عرنان ذيب= وما سجعت من طرب ورقا على غصانها
السوالف تصير وفيه مخط ومصيب= وترك اللي تهدم ابيوت صدقانها

[رويشد]

ابرك الساعات يابوتركي محراف معك

دام عزك وحنا في محلك نطيب = لو عيون البشر تقدح بنيرانها
العواجي بعيد ٍ عنك والا قريب = وانت شايب نعدك ضمن شيبانها

[ناصر خنيفر]

اقتباس من مشاركة رويشد ابرك الساعات يابوتركي محراف معك دام عزك وحنا في محلك نطيب = لو عيون البشر تقدح بنيرانها العواجي بعيد ٍ عنك والا قريب = وانت شايب نعدك ضمن شيبانها

محاوره بالتقسيط بسبب عدم حضور الطرفين بوقت واحد

وصلني علم من عندك وجابه شبيب= قالو انك تسمع هرج ورعانها
العواجي ماعرفه حط فوقه صليب=واختلاف الاسامي غش شيخانها

[ناصر خنيفر]

ليلك ليل يارويشد انا معك الى الفجرههههههههههه