[الشاطئ المهجور]

رآحت بي ورآحـت علـى خيـر
مرت على عمـري مـرور"الثوانـي ْ~

ايام كانت غير .. فـي ذمتـي غيـر
احيت يباس عروق ذيـك المحآنـي ْ~

قبل الوداع ., قبـل طـوي المشاويـر
ماكنت احـس بقيمتـه لـو جفانـي ْ~

ويوم افترقنا ..والحزن جانـي امغيـر
عرفت وش معنـى ضيـاع الآمانـي ْ~

ماعاد لك ياحـزن.. حشمـه وتقديـر
من يوم جيت وجبت لي "جرح ثانـي ْ~

وماعاد بيـدي شـي.. دام المقاديـر
وفـت وعدها .. وسلبتنـي زمـانـي ْ~

مديـت للقيـا كفـوف التباشـيـر
ومدت لي الفرقـا كفـوف التهانـي ْ~

ودي آفضفض بس ويـن التعابيـر؟!
ودي اعبـر بـس ويـن المعانـي؟! ْ~

حاولت ابـرر صمتـي بـأي تبريـر
وعجزت آبرر صمتي اللـي غشانـي ْ~

ياصمتي اللـي مالقـا لـه تفآسيـر
ليـت الـذي وداه .. يمـه خـذانـي ْ~

ياحيله الله وش بقا؟! وش يبي يصير؟!
دام المكـان اليـوم مآهـو مكانـي ْ~

الغيت من بعـده جميـع المحآذيـر
وارخصت عمري دام هالعمـر فانـي ْ~

بعده .. تراها تهون كـل المخاسيـر
يعني وش اكبر من خساره كيانـي؟! ~

لو قلـت مآل لبعـده الـيـوم ...تأثـيـر
تفضحني عيوني.. ويكـذب لسانـي ْ~

لكن تركت له هالقصيده علـى خيـر
يمكـن يحـس بضيقتـي .. لاقرانـي ْ~


مما راق لي
تحياتي وتقديري للجميع ...

الموضوع الأصلي: قبل الوداع... | | الكاتب: الشاطئ المهجور | | المصدر: شبكة بني عبس

[احساس الشمال]

بعده .. تراها تهون كـل المخاسيـر
يعني وش اكبر من خساره كيانـي؟! ~

لو قلـت مآل لبعـده الـيـوم ...تأثـيـر
تفضحني عيوني.. ويكـذب لسانـي ْ



صح السان شاعرها
يعطيك العافيه

[عايد2001]

صح السانك وعتلا شانك

[سيوف بني عبس]

مديـت للقيـا كفـوف التباشـيـر
ومدت لي الفرقـا كفـوف التهانـي ْ~

ودي آفضفض بس ويـن التعابيـر؟!
ودي اعبـر بـس ويـن المعانـي؟! ْ~
//

بعده .. تراها تهون كـل المخاسيـر
يعني وش اكبر من خساره كيانـي؟! ~

لو قلـت مآل لبعـده الـيـوم ...تأثـيـر
تفضحني عيوني.. ويكـذب لسانـي ْ~



صح لسسان شاعرهاا وتسلم ع نقل

[الشاطئ المهجور]

احساس الشمال

عايد 2001

سيوف بني عبس

اشكركم ع المرور العذب الله لايحرمنا منكم