[طلال ابن مصلاب]

أخواني وأخواتي الاعزاء احيكم بتحية الأسلام ...السلام عليكم ورحمة لله وبركاته ,,,


وأقدم لكم هذه القصيدة التي امل أن تحوز على أعجابكم ...وهي قصيده يقال بأنها للشاعرة نوف بنت شطيط العتيبي ..وهي تتحدث عن مفهوم المرجله من وجهة نظر الجنس الاخر...





إذا المراجـل لبسـة شمـاغ وعقـال *****قـل للـعـذارى يلبـسـنّ العمـايـم

ما عاد يفـرق زول حرمـه ورجـال***** دام الفعايـل تشبـه البـعـض دايــم

المرجلـه مـا هيـب كلمـه وتنقـال *****وتروح مـا راحـت هبـوب النسايـم

وإلا خشونة صوت أو رفـع الأثقـال *****أو رزة صــدور وفـعـل الـزلايـم

ولا هي بعد مفتـاح موتـر وجـوال***** وإلا ردى لسـانـن حديـثـه شتـايـم

المرجله شيمـه عـن القيـل والقـال***** رفيع نفـس (ن ) حـر بالجـو حايـم

المرجلـه عقـلٍ وزن وزنـه جبـال *****ودون العقـل وش فرقـنـا والبهـايـم

يا مسندي لو مايل الوقـت بـي مـال***** يـا ولـد أبويـه يـا عظيـم العزايـم

يا معرب الجدين مـن العـم والخـال *****يـا نخـوة المفـزوع وقـت الهزايـم

المرجله يا خوي هـي طولـة البـال***** هـي العـزم هـي الصبـر فالظلايـم

فيهـا الكـرم عـزه دلـه وفنـجـال***** فيها الكرامه عـن ردى الطبـع شايـم

والدين لامنـه خـذا القلـب منـزال *****مشـى طريـق الحـق وابليـس نايـم

ومن لا عرف ربه في طيـب الحـال *****لابـد وقـت الضيـق بالـهـم هـايـم

حتى صلاتك مع جماعـات ورجـال *****في خيرهـا يـا خـوي نعـم الغنايـم

ولامن نصف ليلك قـم صفـي البـال***** يا عظـم أجـرك بيـن ساجـد وقايـم

ولا من رفع ربي لـه كـل الأعمـال *****حسـن الذكـر لا قالـو فـلان صايـم

وخلك شريف القصد يا طيـب الفـال *****سـوء المقاصـد فالبـيـوت الهـدايـم

واحذر تبيع النفس فـي دب الأنـذال***** وتتبـع خـوي إبليـس راع النمـايـم

النفـس خيـل لـك إذا كنـت خيّـال *****ومـن لا قـوى نفسـه قوتـه الهزايـم

ولا صرت ما تدري لو يش أنت رجال***** والله خسـارة فيـك ذبــح التمـايـم

الموضوع الأصلي: المرجلة | | الكاتب: طلال ابن مصلاب | | المصدر: شبكة بني عبس

[احمد منيف]

المرجله يا خوي هـي طولـة البـال***** هـي العـزم هـي الصبـر فالظلايـم

صح الله لسـانها ومشكور اخوي ع النقل الطيب :)

[طلال ابن مصلاب]

شكرا لك احمد منيف على مرورك الطيب ...الذي يدل على الذائقه الشعريه الرفيعه التي تمتلكها ..وبل مناسبه نحن بأنتظار جديدك من خلال دوانية شعراء النبط ..شكرالك...

[الفجواني]

والله خساره فيك ذبح التماميم < عزالله صح لسانها ولاهنت يانقلها تقبل مروري ..

[دانه]

صح السانها

ولا هنت اخوي على النقل

[خابت هقاويك]

بنت رجاااااااااااال .. صح السانها
الله يعطيك العافيه ع الإختيار الموفق

[غـــلاءنـــجـد]

الله يعطيك العافيه على النقل الرائع

[كحيلة]

صح لسان شاعرتها وعاشت يمينك ع النقل الطيب..
شاكرة لك هالقصيدة الي بالحيييل راقت لي ..
لاخلا ولاعدم..