[ابن صقعان]

قال الشاعر / سليمان مسلم المظيبري الرشيدي

نشدت يامشعل جميع القـــــــرايب # # عنها ولاجاني خبر من جهـتها

بذلت مجهودي ولانيب هـــــــايب # # حسبي على الايام كان اجبرتها

ذليت من شانه كـبار الصعـــايب # # ومور واجــد ياولد ماخـفــتها

وش عاد لون خاطري منه طايب # # بقلبي يامشعل بقت منزلتــــها

وهذا مرد الشاعر / مشعل منصور المظيبري

لاعاد تنشد ياعطــــيب الضــرايب # # راحت طرات ايامنا وثمرتـــها

عش واقعك مابين مخطي وصايب # # واسمع وخاطب كل ناس بلغتها

ولا ان بحثت بمبطيــات الحقــــايب # # تذكرك من مانت في ذاكرتــها

لكـل شــي مسببــــات وسبــــايب # # شيئا يخليها تطير اغبرتـــــها

يحول من دون الحــــبيب الحبــايب # # لو تستعيد الذاكره فرمتتـــها

مير الصــبر والبـــوح ماهو بجايب # # كم ناس بوح اسرارها مانصفتها

وان ماســمعت اخبار عن كل غـايب # # يمكن بجده والسيول اغرقتــها

دنيـاك هــاذي كلبوهــا عجــــايب # # يكفيك ظاهرها عن اللى تحتها

لاكن تغـانم مـــــابقي وانت شايب # # واطلب من المولى حسن خاتمتها

وان كان يـاسليمان مـــانته بتـــايب # # ماحشت بالدنيا معك باخرتـها

3

الموضوع الأصلي: وان ماسمعت اخبار عن كل غايب ** يمكن بجده والسيول اغرقتها | | الكاتب: ابن صقعان | | المصدر: شبكة بني عبس

[العووضي]

الله قصايد رائعه

[ذيبان الرشيدي]

الله الله
لله درك
على هالمساجله الراائعه والجزله

لاهنت
وبيض الله وجهك ووجه صاحبك

[سلطان الغريب]

صح السااااانك ابن صقعان
ع نقبل المبداع تقبل مروري (سلطان الغريب)

[ابن صقعان]

العووضي
ذيبان
سلطان الغريب
ِِ
اسعد الله اوقاتكم بكل خير ومشكورين ع المرور والاشاده لاهنتم وبيض الله وجيهكم
تحياتي للجميع

[(ابوعواض)]

الله روعه

بيض الله وجهك ولاتحرمنا يابن صقعان بالقصيآيد اللي مثل هذي

ولاحظ الاخطاء الملائيه عندك


بيض الله وجهك ويسلم راسك

[حردان السحلي]

ولاحظ الاخطاء الملائيه عندك


بيض الله وجهك ويسلم راسك

[كاتب الرشيدي]

صح لسان الشاعرين

وبيض الله وجيهكم

امتعتونا بهذه المساجلة \