[فيحان الخياري]

يطول الصمت وتموت الحروف وينتهي المضمون=وتبدأ (فلسفـة ليـل السكوت)وجرحـه الدامـي
مواكب صرخة الخاطر تجول بصدري المطعـون=عبث كل السنيـن ولا لقيـت الصـدق بحلامـي
وصرت اسمع خطى ذاك الامل مقفي وانا مسجون=ورى قضبان عتمـات السـواد ونكبـة ايامـي
اسير الصمت وارسمها على خد البياض عيـون=تناظر كـل مـن حولـي بواقـع جـرة اقلامـي
بقيت اصدق خبر واشجع رجل في عالمك مركون=قدر ياقف على حـد العـذاب وساقـه احطامـي
وصلت لـآخر حدود الضياع (ومملكـة يوفـون)=وزرت ابرز معالمهـا بعيـن الحـق واوهامـي
تحيرت الطريق ولاقدرت اجمـع شتـات ظنـون=تزاحم بالفكـر قصـة غيـاب الوصـل بقدامـي
تجنى من تجنى والعذر واهي (بشـر يخطـون)=وانا ادري (مارضخ)ذاك الشعور لواقـع الآمـي
يدور الحال بكفوف السنيـن وماخفـى مرهـون=وتبقى (فلسفـة ليـل السكوت)بصمـة ابهامـي
حقيقه واقعه واللي على جرح الفـؤاد يمـون !!=وسع فارق الخطـوه قبـل لايلمـح احسااامـي

الموضوع الأصلي: فلسفة ليل السكوت!! | | الكاتب: فيحان الخياري | | المصدر: شبكة بني عبس

[بوتفليقه]

قصيده غامضة وجزله
ومبهمه
تحياتي للشاعر فيحان

[فيحان الخياري]

ابوتفليقه /
حياك الله
ويسعدني مرورك

[احمد منيف]

وصرت اسمع خطى ذاك الامل مقفي وانا مسجونورى قضبان عتمـات السـواد ونكبـة ايامـي

تجنى من تجنى والعذر واهـي (بشـر يخطـون)وانا ادري (مارضخ)ذاك الشعور لواقـع الآمـي يدور الحال بكفوف السنيـن وماخفـى مرهـونوتبقـى (فلسفـة ليـل السكوت)بصمـة ابهامـي حقيقه واقعه واللي على جـرح الفـؤاد يمـون !!وسع فـارق الخطـوه قبـل لايلمـح احسااامـي

قصيدة صراحه ماطلعت الا من شاعر جزل

عجبتني كثـير

تستاهل الخمس نجوم :)

[أمـ الشوق ـير]

جزل و ما فيك حيله

صح لسآنك


لآهنت