[حَــﮯــنَـيـن]

وشلون ماأحبك ولا عدت مغليك
............... وانت الدوا لـ انسان دونك يعاني




و وشلون رحت وكل صوتي يناديك!!
....... ياعمري اسمعني ترى العمر فاني



ماقلت لك من قبل ماني مخليك
......... ياكيف تنساني وقلبك نساني ؟



كتبت لك في صدر الايام ابغيك
...... وكتبت لي :.. خلاص غيرك خذاني



حتى جدار الصمت لو التفت فيك
....... بكيت من صمته .. وضيق الثواني



عشقت كل لحظات عمرك وماضيك
...... ومعك : عرفت ان الأماني .. أماني



وسويت لك في داخلي شي يرضيك
...... وان كان مايرضيك ؟؟ ... سويت ثاني



نزعت فرحت خاطري.. ليت تكفيك ؟
....... وزرعتها في داخلك ماكفاني



ضحكت لك وآنا من الحزن أسليك
....... وحبست دمعي لجل أقدم حناني



وصديت وقت الضيق .. مابيك مابيك
...... تشوفني أضحك .. وأنا اللي أعاني



ياه الزمن تكفى - طلبتك - وأرجيك
............... لاتبخل ب وصل الحبيب ال أناني



قد قلت له : مقدر أفارق وأحاتيك
....... وقد قلت له : ه البعد ياما كواني



لكن حسافه كل صوت (ن) يطريك
............... ياما معا نفسي ذكرتك أغاني


ودامك زرعت انسان غيري ب أراضيك
........... ف أنا ماحب يكون غيري مكاني



ب تغيب ؟ غيب ولكن اسمع محاكيك
....... قبل السفن تنوي ب هجر المواني



في خاطري كلمة < ويمكن > تبكيك
........ ابيك تسمعها / . دقايق عشاني



لو الزمن يعطيك - ماهوب معطيك
...... شخص مثلي يحطك بين خفوقه ثواني

الموضوع الأصلي: في خاآآآطـــري كــلمه يمكن تبكيك ..؟؟ | | الكاتب: حَــﮯــنَـيـن | | المصدر: شبكة بني عبس

[مذكر الرشيدي]

قصيده جميله ورائعه


صح لسان قائلها ولا هنت على النقل


سلمت ودمت

[سحايب]

في خاطري كلمة < ويمكن > تبكيك
........ ابيك تسمعها / . دقايق عشاني



لو الزمن يعطيك - ماهوب معطيك
...... شخص مثلي يحطك بين خفوقه ثواني



صح الســان الشاعر
ويعطيك العافيه على الانتقاءالرائع
قصيدة جميله

[راسبه بالحب]

كلمات رائعه


لاهنتي يالغلا

ودامك زرعت انسان غيري ب أراضيك
........... ف أنا ماحب يكون غيري مكاني

[أحاسيس]

قصيده في قمه الروعه

[حميدان نوران]

صح لسانك
شكرا لك على النقل

[مرزوق العجوني]

صح لساااان شاعرها ولا هنتي على النقل اختي

[احمد منيف]

صح الله لسان قايلها ولاهنتي ع النـــقل