[النمر1012]

. شد فكري وإنتباهي راح مع سرب القطا
قلت أنا ياليت لي جنحان وأتبع ساقته .
. وين ماوجه طليق وكل ماينوي وطا
مستريح البال ياصل كل ديره شاقته .
. مادرى بجروح قلبي والصواب الليّ سطا
قام يرسم للغريب أحلام هزت طاقته .
. مادرى إن العشق وهبة من كريم ٍ لاعطا
وهبة الرحمن يعطي كل قلب إوفاقته .
. وإنت ياقلبي من الليّ فوق ركبانك مطا
مهرت ٍ تسرج غلاها وأسرفت بإطرآقته .
. لو تركها تروح قلبي يقترف ذنب وخطا
حبها قلبي بجنون ولاقها ثمّ لاقته .
. هام فيها والحقيقه مايسترها غطا
كنها شبه القمر بإطلالته وإشراقته .
. إنسجت معنى الحنان ونسجها فيني نطا
والديل بريحة المنديل زاد براقته .
. واسمحي لي يالهنوف ولتلومي من بطا
ماهو بكيفه تغرب له ظروف ٍ عاقته

الموضوع الأصلي: شد فكري وإنتباهي راح مع سرب القطا قلت أنا ياليت لي جنحان وأتبع ساقته | | الكاتب: النمر1012 | | المصدر: شبكة بني عبس

[الـريـم]

ابيات راقت لي
تسلم يمينك

[أميرة البنات]

صح لساإانك



ابداإاإع

[النمر1012]

صح بدنكم والله يسلمكم ومشكورين على المرور

[سحايب]

صح السان شاعرها
قصيده جد رااااااائعه
سلمت يمناك على هالذائقه

[النمر1012]

صح بدنكم يادمعه منورين وحمد الله على سلامه
ومشكورين على المرور

[تعبت منك]

قـصيدهـ جمـيلـه ورآئـع ـة

وكـلمـآت آروع ..


أختيار جميل ومـوفق ,,

[الوعد]

مشكوووووور والله يعطيك الف عافيه