[عازف الاحزان]

على ركن الرصيف اللي قد جمعني فيك ..
نزفت بلحظة غيابك.. وشقت دمعتي خدي,,

بكيتك لين ماحن الرصيف وقال لي يكفيك
وجاوبته وانا اصرخ : تركني للأسف وحدي,,

حبيبي ليش قصتنا تعثر حظها بيديك ؟
ترى خمسة يسالوني ومات بداخلي ردي ...

اولها فؤاد ارخص الدنيا وهالعالم لجل يشريك
وعين لو احايلها تنام تقول ماااا ودي ,,,

و روح لو اخيرها... بتتركني وتسكن فيك..!!
وصورة تحتضر في ملامح وجهك الوردي

وخامسها الرصيف اللي نقش في صفحته ماضيك
حبيبي كيف اجاوبهم ؟؟؟ وصلت من التعب حدي

تحديت الخطر لجلك وحاربته عشان ارضيك..
ويوم احلوت ايامي كسرت السيف في يدي

بساااافر ,, وش بقى عندي عشان اكثر بعد اعطيك
عطيتك اجمل ايامي وحالفت الزمن ضدي..

وكنت بموعدي احمل زهور يانعه واهديك
..وصرت اليوم احملها وترجع ذابله عندي

وكل اللي بقى .. ذاك الرصيف اللي جمعني فيك..
ازوره يوم اشتاقك وتجرح دمعتي خدك

الموضوع الأصلي: على ركن الرصيف اللي قد جمعني فيك .. | | الكاتب: عازف الاحزان | | المصدر: شبكة بني عبس

[وريثة المجد]

بكيتك لين ماحن الرصيف وقال لي يكفيك
وجاوبته وانا اصرخ : تركني للأسف وحدي,,


تسلم لا عدمنا هالذوق ,,

[بندر الشويلع]

صح لسان شاعرها
وتسسسسسسسسسسسسسلم ع النقل المميز
ولاهنت

[عازف الاحزان]

شكرا لمرورك على موضوعي وهذا شرف لي ووسام على صدري