[حميدان نوران]

البرد لهفة شوق والليل ساكـن

وانـا تشفقـت اللقـاء وأحتريتـك
:
الله عطاني اياك وأصبحت واكـن
علـى الله انـي لا بغيتـك لقيتـك
:
مؤمن بما يكتـب لـي الله ولكـن
بليت نفسي فيـك عشـق وبليتـك
:
تغيـب وعيونـي عليـك يتباكـن
لو انك تسقيني الوصل ما ارتويتك
:
خليت حسرات الزمـان يتراكـن
بين الرجاء والياس ليتـك وليتـك
:
داويت جرح" من قسى الوقت ماكن
والا فتعطيني ربـع مـا عطيتـك
:
وخليت ناقلـت الهـروج يتحاكـن
ومن كثر ما اجحد أحسبني نسيتك
:
ما شفت قلبي والعيـون يتشاكـن

أغير منهم من كثـر مـا هويتـك
:
سريت لك مشتاق والليل داكـن
يستر ظلامه وقفتـي عنـد بيتـك
:
تقول حبك بين الأضـلاع راكـن
وأقول هذا اللي ذبحنـي وجيتـك
:
سمعتني محمد يغنـي (الأماكـن)
وأسمعك (واحشني موت) وفديتـك

الموضوع الأصلي: البرد لهفه والليل ســــاكن........ | | الكاتب: حميدان نوران | | المصدر: شبكة بني عبس

[بندر الشويلع]

الله الله عليك
وصح لسان شاعرها
وتسسسسسسسسلم ع النقل المميز
ولاهنت

[راسبه بالحب]

يعطيك العافيه


صح السانك ,,,كلمات رائعه


لاعدمنا جديدك

[حميدان نوران]

بندر بن شويلع شكرا لك على المرور

[احمد منيف]

البرد لهفة شـوق والليـل ساكـن وانـا تشفقـت اللقـاء وأحتريتـك

عجبني وصفـه بهالبيت لاهنت اخوي ع النــقل الرائع

[حميدان نوران]

شكرا لكم على المرور

[ابو نافع]

الله الله عليك
وصح لسان شاعرها
وتسسسسسسسسلم ع النقل المميز
ولاهنت

[حميدان نوران]

اشكرك ابو نافع على المرور