[رسام الغروب]

العالم اللـي همهـا تقـرأ الجديـد مـن القصيـد

ولا واحد ٍ منهم سأل عن ضيقتـي وش حلهـا !!

يمـر عيـد النـاس لكـن مايمـر القلـب عيـد

توقفـت أعيـاد قلبـي مـن سببـهـا كلـهـا !!

كل ماضوى ليـل الحـزن وأخـذ يدينـي للبعيـد

يم الدروب اللي جهلـت الحـب قبـل أدلهـا !!

أمرهـا وأسـأل مبانيهـا عـن العمـر الجـديـد

والشجرة اللـي ظللـت خليـن وينـه ظلهـا !!

والبير والبيت القديم اللـي سقوفـه مـن جريـد

وشباكهـا يـوم إنتلاقـى . . ملنـي ماملهـا !!

اعاند الدمـع وشعـور اليـأس والحـزن الأكيـد

واخاف اموت من الفرح بالدرب قبل أوصلّهـا !!

لاجيتها ماعـاد قلبـي صلـب وعروقـي حديـد

يـذوب قلبـي والعـروق أشواقهـا تحتلـهـا !!

تأثيرها أقسى من ( وداع الموت ) في اهل الفقيـد

وأشد قسوة مـن دمـوع الصـد يـوم أهلهـا !!

واصدق من البسمة الليا بانت على ( الطفل السعيد)

واطهر من ورود ٍ صدوق الغيـث تـو مابلهـا !!

اتذكر أني قبل أسافر قلـت يـا الحسـن الفريـد

لاتاخـذك فينـي الشكـوك دقاقهـا أو جلهـا !!

( تنهدت ) والخد يسأل دمعها ( هل مـن مزيـد )

قالت عيوني لو يطول البعد ( أيـش أعملّهـا ) !!

إن غاب صوتك وانتبهت أن الحزن أصبح رصيـد

بالله قلـي ضيقتـي بالبعـد كـيـف أفلـهـا !!

سافرت وأشواقي لهـا مـن كثـر مافينـي تزيـد

ونصيبها جاهـا وأنـا فـي غربتـي وأشتلهـا !!

راحت وأنا باقي على الذكرى ولا ادري وش تفيد

يمكن ٍ نصيب ٍ ساقها لغيـري يكـون أفضلّهـا !!

ابيـك ياليـل الحـزن لاجيتهـا ساعـي بـريـد

طمن خفوق الغاليـة بعـد الفـراق . . وقلهـا !!

(( لو عشت كل اللي بقى من عمري الضايع وحيد

حبيبتي تبقى وانا ابقى طول عمـري خلهـا )) !!

الشاعر منصور المعمري

الموضوع الأصلي: يمر عيد الناس | | الكاتب: رسام الغروب | | المصدر: شبكة بني عبس

[سحايب]

صح الســـــــــــان شاعرها
وابعدالله الهم عن كل مهموم
يعطيك العافيه على هالذائقه
قصيده لها نغم متفرد
تقبل مروري..

[الهوى الغائب]

صح السان شاعرها
وتسلم يمين ناقلهاا

[مرآهيش]

(( لو عشت كل اللي بقى من عمري الضايع وحيد=حبيبتي تبقى وانا ابقى طول عمـري خلهـا )) !!

،

،

آكثر من رآئعة

شكرآ ع الآنتقآء

[ميلاس]

‎
صح لسآن شآعرهآ
‏ وتسلم ع النقل

[رسام الغروب]

حياكم الله وشاكرلكم على المرور

[جروح الولايف]

مشكوووووور والله يعطيك الف عافيه