[الشبيح 404]

ارجو ان تعطيوني ارائكم بلا مجامله

أسمع كلامي وافهمه زين يازيـن

ياروح بندر يابعـد كـل غالـي

لا لا تهد اللـي بنينـاه بسنييـن

لا لا تهـده دامـه اليـوم عالـي

لا لا تطاوع من يبي لحبنا البيـن

ناس(ن) هدفها سم حالك وحالـي

تخطيطهم ماهو من اليوم له حيـن

ناس(ن) هدفها من حياتك زوالـي

عندي على هرجي جميع البراهين

اقسم برب البيـت مابـه جدالـي

تركت من شانك جميـع المزاييـن

هايم بحبك و انت بخيل و سالـي

ازعلت من حولي لجل بس ترضين

ولرضاك راضي في سواد الليالـي

كنت احسبك لجروح قلبي تداويـن

الله حسيبك كيف ترضى الشقا لي

ارجوك يكفي ماحصل منك يكفيـن

هم وألم فينـي يفـوق احتمالـي

الفاس لا وقع يوقع علـى اثنيـن

راسي وراسك مايبي لـه سؤالـي

تبت يديني كان قلبي يبـي يليـن

أن طعت فيني مفرقيـن الغوالـي

ماني من اللـي يلتفـت للمقفيـن

ولا خير في حب(ن) يذل الرجالـي

ادوس قلبي وادفن الراس بالطيـن

ان كان قلبي حنّ لـك واشتكالـي

وسلامتكم

الموضوع الأصلي: ارجو ان تعطيوني ارائكم بدوون مجامله | | الكاتب: الشبيح 404 | | المصدر: شبكة بني عبس

[الشبيح 404]

يكفين=تكفين تعديل

[شاعر بني عبس]

السلام عليكم ورحمة الله وبركاته ..

صح لسانك اخوي

وربي يسعد صباحك

اعتذر منك مزاجي الان ماهو مع النقد

واتمنى ان يفيدونك اخواني بالنقد الذي لايترك نقطه الا وعلق عليها

دمت بسعاده

[ولد عبس الرشيدي]

والله قصيده اعجبتني اخوي الشبح 404

انا ماني ناقد شعري بس متذوق للشعر والقصيده اعجبتني حيل
صح لسانك




ركت من شانك جميـع المزاييـن

هايم بحبك و انت بخيل و سالـي

بس فيه خطاء بسيط بهالبيت
لو قلت

هايم بحبك وانته داله وسالي

كان افضل كتركيب للبيت وعشان الوزن يعتدل


والله يعطيك العافيه يالشبح
وان شاء الله نشووووووووفك شاعر كبيرررر ومشهووور ولك معجبات ههههههه

[الشبيح 404]

صح بدنكم وشكرا على المروور
يعطيكم العافيه على الردوود
ولد عبس يعطيك العافيه على التوضيح
بس لو اموت اتسيرلي معجبات دام حظي ردي

[سهم عبس]

وعليكم السلام
بصراحه قصيدة جزلا لو فيها اخطاء والله مدري
بس ماراح يقصرون معاك

[محمد بن فـايد]

الشبح نصيحتي لك كمل دربك وانا اخووك

عندك فكر حلو واشوف فيك شوية سبك وحبك

بس اهم شي الوزن دير بالك ع الوزن


تقبل فائق احترامي وتقديري

[الشبيح 404]

يعطيك العافيه على المرور