[حامد الحنيفان]

بديت ذكر اللي يعرف الخفيه = اللي علم في قصت العدل والميل
الياضاق بالي وقت راس البنيه = وقعت اجيب امروبعات التماثيل
لاياحمد يابوك حورف عليه = هات الدلال وهات بيض الفناجيل
نبي نشب النار بظلال فيه = نبي ندق البن ونبهر بهيل
والرزق عند الله جزيل العطيه = اللي من المنشى يجيب الهماليل
العب عليك وثم تلعب عليه = ينساح بالي يوم الاعبك باالحيل
اتعب عليك اخاف تتعب عليه = وافهق عليك اليا تمرجلت بالحيل
يمكن تحججلي وتذبح ضحيه = يمكن تسويبي سوات الرياجيل
ارجيك رجوى اللي يغرس الوديه = يرجي ثمر هدب الودايا المهاديل
وابوك عود وطايحاتن رحيه = بارك مثل مايبركن المهازيل
اشوف اشوفه قام يقصر شويه = لاابد من عمر الفتى فيه تزويل
والكبر يلحق فوق غين وغيه = لاابد من جيلن تقفاه له جيل
الشاعر/ سعود حنيفان العويمري( رحمه الله)

الموضوع الأصلي: بديت ذكر اللي يعرف الخفيه | | الكاتب: حامد الحنيفان | | المصدر: شبكة بني عبس

[سحايب]

صح الســــان شاعرها والله يرحمه
وسلمت يمناك على نقله المتميز

[بيطار الشعر]

مشكور على نقل هذه القصيدة يا حامد

والله يرحم قائلها ولاهنت

[مُخاطِرْ]

صــح لسان شاعرها وتسلم يمين ناقلها ،،،
,
الـلـهـ يرحمه
.
ننتظر جديدكـ
.
دمت بكل ود

[الدحيلي الرشيدي]

نقل مميز اخوي حامد
والله يرحمه ويسكنه فسيح جناته

[البعيد الهادي]

رحم الله والدك واسكنه فسيح جناته
واحسنت النقل ياحامد
دمت بحفظ الله