[النمر1012]

في البداية قصيدة الشاعر بدر نوران الرشيدي






ياطير ياللي ناوي ٍ للقريات


تكفى نخيتك وصل القاف ياطير


ملفاك عند الطيب وسط الشرارت


أهل العلوم الغانمه وآهل الخير


حرار ماكرهم بعال الطويلات


وفي مدحهم يخونني كل تعبير


تلقى خوي ٍ بعدته المسافات


عقلا ولد سالم عداه اي تقصير


كفو ٍ يسدك في كبار المهمات


وعنه علوم العيب دايم مدابير


قله سلام ولك سلام وتحيات


من بدر ابن نوران تاتي طوابير


وحبه على خشمه وقله ألك جات


قصيدة ٍ مضمونها كل تقدير ..


وهنا رد الشاعر عقلا سالم الخشيف الشراري






يامرحبا يامرسلا عذب الابيات


يامرحبا ياللي تميز عن الغير


يامرحبا ياللي له الطيب عادات


ترحيبة الطيب بشوف المسايير


طيرك كفو ياصاحبي بالمهمات


جاني يزف اخباركم والتباشير


اوصل سلاما واحترام وتحيات


واوصل مشاعر مابها أي تزوير


واليوم انا باريح الطير لحظات


ياخذ نفس بين احتراما وتقدير


وارسل تحياتا مع الجو عجلات


مع اللذي ما ياقفن بالطوابير


ماهمهمن كبر البحر والمحيطات


ولالافهن من جور الايام تغيير


ومبرمجه ياخوك عند الخواجات


اللي لهم في منهج العلم تطوير


عبر الوسايط والقمر والمحطات


تعطيك مع صافي خبرها تقارير


تسمع لها رنه وطنه وهزات


في جيبتك ماتحتريها على السير


حملتها من خالص القلب باقات


ومشاعرا ماتلتزم بالمعايير


الباقه الاولى سلام وتحيات


مخصصه ياصاحبي للمناعير


ياعبس لو هي شانت الحال حزات


ادناكم اللي يستحيط الجماهير


ياما لكم من ماضي الوقت وقفات


وقفات عز ولابها اليوم تقصير


الثانيه باخصها فيك بالذات


يابدر ابن نوران نسل المغاوير


ياصاحبي مالي على الظرف مونات


واللي كتبه الله على عبده يصير


لوهي بكيف المِيِت للحين مامات


ولوهي بكيف كليب مافارق الزير


الوقت جار ولابقى فيه لذات


ويالله عسى في تاليتها تياسير


ولابدلي ياصاحب الطيب سجات


ومواصلك يالذيب مابه معاذير


واطوي على شانك بعيد المسافات


ومواصلك مابه تردد وتفكير


ونشاركك ياصاحبي بالمسرات


والله يتمم مانويته على خير


وتعيش دايم في نعيما وخيرات


ويبقى لكم في داخل القلب تقدير




منقول من منتدى القريات

الموضوع الأصلي: الشراري يرد على الرشيدي | | الكاتب: النمر1012 | | المصدر: شبكة بني عبس

[عيسى محمد]

والله وسبعة انعام بالاثنين الجميع اوفيا
وصح الله السنتهم ملايين ولايكفون
قصائد توضح مدى الوفأ بين الرجلين
ولا هو غريب عليهم الوفا ومن روس
قبائل غنيه عن التعريف ولافيه قصور
بجميع القبائل الكل فيه من الطيب والكرم
واشكرك النمر على النقل المميز كتميزك

[عبد العزيز]

صح لسان الشعراء

وتسلم على النقل

[محمد الشقامي]

صح لسان الشعرا
وتسلم على النقل

[احمد سبيتان]

صح لسان الشعراء وبيض الله وجيهكم على النقل

[بنت أبوهــا]

صح لسانهم

صوت وصدى في قمة الروعة

شكرا النمر

[أمـ الشوق ـير]

صح لسآنهم وأعتلاء شآنهم

يعطيك العافيه

[ثاري الشنيني]

صح لسان الشعراء وبيض الله وجيهكم