[نوماس5]

خسيـتـي لعنـبـو جــدك ؛ خسـيـتـي والـغـلـط يـنـعـاب
........................ خسيتي واقلبي وجهك ؛ ولا كلمه ؛ولاجابـه

خسيـتـي والـزمــي حدك ؛ تـراهــا ضـاعــت الاداب
........................ انا لاطاشت جنوني ؛ يعرف الجاهـل ادابـه

وش المـغـزا مــن الكلـمـه بــلا داعــي بــلا الاسـبـاب
........................ وهرج الكذب والتجريح ؛ قوليلي وش اسبابه

انـا الشـرهـه عـلـي انــي فتـحـت لخافـقـي كــم بــاب
........................ ولكن مثل ماجيتي !!! ترا كبر الجمـل بابـه

خـذي نفسـك مـعـك بــرا ؛ ثــم انقلـعـي بــدون إيــاب
........................ فمان الله ؛ والا اقول :: فمان ابليس واصحابه

تحسبيـنـي عـلـى فـرقـاك ابـنــدم واغرق الاهداب
........................ انا مبسوط يوم اني ؛؛ طردت الشوم وغرابه

انــا مــا اعـاشـر الخـايـن ولا اسـمـع هـرجـة الـكـذاب
........................ومثلك قيمته عنـدي تحـت الزيـرو حسابـه

هــذاك الـلـي تحبيـنـه ؛ حـقـيـر و خـكــري ولـعــاب
........................ عاجبك ان قذلته شقراء ويميّل بالشعـر كابـه

صحـيـح انــه حقـيـر و زيــن وشكـلـه للنـسـاء جــذاب
........................ تشّبه بأخته فلانـه ؛؛ ومنهـا الـدم متشابـه

وانـا مانيـب حــرف الـجـر ؛؛ تجريـنـه عـلـى الاعــراب
.......................انا حرف(ن) جزم نفسه ؛ ومثلي يصعب اعرابه

تشـوم النفـس عــن زيـنـك عـقـب مـاطـاح فيـهـا ذبــاب
........................ وانا حر(ن) ولد حر ؛؛ تركت الزين وذبابـه

انـا يابنـت مــن ربــع(ن) لـهـم فــوق الفـخـر مـحـراب
........................ انا من روق ياخبله ؛ وربعي الهيله ( عتابه )

نسـيـا ماكـلـى (عمـهـوج) وكــم روس بدون ارقاب
........................رزقك الله بحكم اللي حفظ عمهوج في جرابـه

انــا شـيـخ(ن) ولــد شـيـخ ؛ بـذكـره تنـعـم الانـســاب
........................ اليا قام العرب كلاً ؛؛ يراجع دفتـر انسابـه

ولـد شيـخ(ن) وسـط ربـعـه لــه بـيـن الـرجـال حـسـاب
........................ اليا ضاقت به الارياء ؛ يهز الارض مشعابـه

محنكـنـي عـلـى الطيـبـه مــن يـومـي صغـيـر وشــاب
........................ اجل وش رايك بطفل(ن) دلال القهوه العابـه

تــرى بــدري عـلـى مثـلـك تعـيـب وساسـهـا مـعـيـاب
........................ ياليت اللي يعيبني ؛؛ يحـاول
يستـر ثيابـه

انــا لاجتـنـي الـزلـه ؛ مــن الجـاهـل وهو كذاب
........................ تركت القافله تمشي ؛؛ وراهـا تنبـح كلابـه

وانــا ليـامـن كـشـف ان الـخـوي اصـبــح لـسـانه داب
........................ نزعت السم من عرقه وكسرت بمخلبي نابـه

خــلاص الـيـوم يافـلانـه ؛ كرهـتـك والقـلـوب غراب
........................وترى كل طير(ن) بكبد السماء يشبع مخلابـه

خـسـاره مثـلـك بقـلـبـي تـضـمـه غـرفــة الاحـبــاب
........................ وخساره غلطة العاشق ؛ يحطك اول احبابـه

بعـد هـذا تبيـن ارجــع لاجــل عيـنـك نصـيـر اصـحـاب
........................ خسيتي واقلبي وجهك ؛ ولا كلمه ؛ ولاجابـه

<>::<>::<>::<>::<>::<>::<>::<>

اتمنى اختياري يعجبكم ...مع ان القصيده كلماتها قاسيه شوي ...بس الفخر الي فيهااا جميل ..

الموضوع الأصلي: ~~خسيـتـي لعنـبـو جــدك ؛ خسـيـتـي والـغـلـط يـنـعـاب ~~ | | الكاتب: نوماس5 | | المصدر: شبكة بني عبس

[احمد سبيتان]

صح لسانك وبيض الله وجهك

[ابوصالح لرشيدي]

صح السانك وبيض الله وجهك,..............

[نوماس5]

اقتباس من مشاركة احمدسبيتان صح لسانك وبيض الله وجهك

صح بدنك وجهك منوور

[نوماس5]

اقتباس من مشاركة ابوصالح لرشيدي صح السانك وبيض الله وجهك,..............

صح بدنك
وجهك
منووور

[عيسى محمد]

نوماس 5

صح الله السانك وعلا شانك
ابيات جزله من راس جزل
لاعدمناك في منتداك

تحيييييييياتي لك

[نوماس5]

اقتباس من مشاركة عيسى محمد نوماس 5 صح الله السانك وعلا شانك ابيات جزله من راس جزل لاعدمناك في منتداك تحيييييييياتي لك

صح بدنك يسلموو
منووور لبى قلبك