[قسورة الغاب]

اقتباس من مشاركة ابو موسى سلام والسبع ضاري والمدا مبدا وجمهور = الليل ما دك ياسبع الخلا والليل توه دولاب الايام داير والليالي ما لها سور = والضلع تحويلته ماهي مثل طلعت علوه

اقتباس من مشاركة السبع الضاري يامرحبا يا المسلم والمدا غبه وبابور=سبع الخلا شاطر الغربي ولكن منك خوه؟ الله يعينك عليها واحتسب وتصير ماجور=واللي يناسب معك لو مايناسب معي سوه

اقتباس من مشاركة ابو موسى الاوله في يديك وباقيلك شي مذخور = الاوله طيبه والثانيه تنضح مروه البدو لا نوخو شقران ما يبرك على الزور = والهاشمي راح ما باقي على البيدا نبوه

اقتباس من مشاركة السبع الضاري ياطير كانك على نفض الجناح الزين مجبور=اكفخ وسبع الخلا مالك على روحه جروه نوب الجمل بالحمل لادكه الجمال مايثور=ميرالجمل ياوسيع العرف قلي وين نوه

اقتباس من مشاركة ابو موسى انته عيونك على عين المها والا على الحور = قرينك يخطها والمشكله قلب المفوه من غير جاهيه انته يا طويل العمر مخبور =سم الولد باسم خاله ثم يعطيك السموه

اقتباس من مشاركة السبع الضاري لا والله ألا على عين المها والبال مسرور=برق الحيا ضمني يمه وعيني صوب نوه ههههههه ان ما عذرت السبع سبع الخلا معذور معذور=مير ان ذبحه الضماء بالقيض يا هداج رووه

اقتباس من مشاركة ابو موسى دور على اللي مواعيده تشابه وعد بلفور = يا سبع يا سبع وينك عن مواعيد الحموه مطوع القريه اللي حطها في كف دكتور =كيف انت يا صاحبي والطب قلي كيف هوه

اقتباس من مشاركة السبع الضاري وجهت سبع الخلا للدرب يامشكاي مشكور=وانا سباريت صدري ماروت غيث المتوه ياصاحبي ما على سمحه غزال ولالها كور=سرحان لو مرته ماجاب لك عنها طروه

الله الله

صح اللسانك يابووو مووسي

صح اللسانك يالبسع الضاري

الموضوع الأصلي: ابوو مووسي & والسبع الضاري | | الكاتب: قسورة الغاب | | المصدر: شبكة بني عبس

[المعزب]

ول ول عليكم السبع غني عن التعريف

وابو موسى ماهو هوين

تحياتي

[السبع الضاري]

القسوووووووووووره بيض الله وجهك يازميل
اشكرك على التنسيق

[المشعل]

صح السااااااان الشعار

ابدعوا واستمتعنا بالطاروق الرائع


لاهنت على التنسيق

تحياتي لك

[ناصر الخياري]

لاهانم الشعاار صح لسانهم .

[قسورة الغاب]

السبع الضاري
شاعر اعلام

ابو موسى
شاعر اعلام

[ابو موسى]

القسوره المبدع انتظرو يا رواد الشبكه ما سوف يعمله هذا المبدع

ابدع في الشعر وسوف يبدع في الاشراف وسوف ينقل الشبكه الى افاق بعيد فانتظروه

[الداب الارقط]

محاوره رائعه وممتازه ومشكور القسوره على التنسيق