[(الفارس)]

سوّ اللي براسك ولا تذكـر اسبـاب=لا صرت بايعنـي توكـل علـى الله
مابينـي وبينـك مشاريـه وعتـاب=شف دربك اللي جيت منـه ..تدلـه
ماراح تغلبنـي لـو الحـب غـلاب=من حضرتـك عشـان قلبـي تذلـه
في ذمتي ..لجعلك عبـرة للاحبـاب=لين الخلّ يتـوب عـن جـرح خلّـه
زلاتك اللـي مانفـع فيهـن حسـاب=لا جيـت اعددهن..ثمانـيـن زلّــه
احرجتني بيـن القرايـب والاحبـاب=كـن الجفا..سيـف بوجهـي تسلّـه
ماكنت اقصر فيك ..من كثر الاعجاب =يومك تساوي عنـدي ..الكـون كلـه
كنت القريب وكلهـم كانوا..اغـراب =حتى القمر لا غاب..شفتـك محلّـه
خلاص لا ترجع..ترى خاطري طاب =بيطرى اللـي كنـت عايـش بظلـه
رح اعتبرني ..واحد اذنب ..وتـاب = ماني بثوب تلبسـه ثـم .. تملّـه

مقطع صوتي



اعطوني رايكم

الموضوع الأصلي: سوّ اللي براسك ولا تذكـر اسبـاب | | الكاتب: (الفارس) | | المصدر: شبكة بني عبس

[الشبيح 404]

قصيده جزله وصح لسان شاعرها
تقبل مروري