[أمـــير بـكلمتي]

شاعر من جيلنا واصبح من يعد من فحول الشعراء بالخليج وفي قبيلة بني رشيد عامه وسأترك لكم هذه

القصيده والتي ليست الأفضل بقصائده ولكن من اختياري واعجابي الجنوني به ..!!



(شرهة ذيابي)

وصل ركب الرحيـل لشاطـئ الغربـة ودار اجنـاب

بعد طول الطريـق اللـي تمـادى.. واتعـب اركابـي

ضحك وجـه المدينـه للمسافـر والوجيـه أغـرااب

وانـا عابـر سبيـل وضحكتـي ماصافحـت نابـي !!

وقفت انظر على شط المدينـه .. والجـروح أسـراب

ولعنت ( أم الحنين) وسالـت الدمعـه علـى اهدابـي

هنا كنت الغريب .. بـلا حبيب..ولاوطـن ..واقـراب

حزين وماقدرت اجمع شتاتـي ..واحسـب حسابـي!!

حداني للسهر جرح(ن) سجني بين نـاااب .. ونـاااب

وتركنـي بيـن صمـت الذكريـات بصفحـة كتابـي

حبيبي والغـلا جـرح(ن) ذكرتـه وانفتـح لـه بـاب

وانـا لوماذكرتـك وانـت ناسـي .. ويـش يبقـابـي

صحى هم الفـراق ..اللـي فتـح للذكريـات ابـواب

وغفيـت وماصحيـت الا وطيفـك يطـرق ابوابـي ؟

حبيبـي ترسـم الغيمـه ملامـح وجهـك الـجـذاب

واشوفك ويـن مالـد النظـر مـع كـل هندابـي !!!

ذكـرت اول لقـاء فيـه اجتمعنـا بالغـرام احـبـاب

اليـن آخـر لقـا منـه افترقنـا .. وآخـر اتعـابـي

فـداك الجـرح ياوجـه(ن) تركنـي للمـلام وغـاب

بقالـه فـي حياتـي طعنتيـن .. وجـرح ماطابـي !!

انا اللي كنت اضيع بنظرتك شوق..وولـه .. واعجـاب

واظيـق بغيبتك..وتظيـق بــي دنـيـاي ..وثيـابـي

عطيتك قلب ..واشواق..وحنين ..وفيـك ظنـي خـاب

احسب انك تمنى رجعتـي.. واثـرك تسلـى بـي !!

تبعتك مثل ضحضاح السراب ..وجيـت لـك مرتـاب

واشوفك مثل الامـس المستحيـل .. وباكـر الغابـي؟

حبيبي وانت ماتسـوى ملام..ولاانـت قـد عتـاب !!

تعـداك الملامـه .. والعتـاب.. وشرهـة ذيابـي ؟!

خطاي انـي تماديـت بغـلاك .. وماحسبـت حسـاب

احسب ان الوفاء طبع البشـر .. واحبابـي ..احبابـي

وعزاي اني ردعت القلب ! عن باقي غـلاك وتـاب!!

وصحى في داخلي طفل(ن) غرير .. وشايب اعرابي !!

حبيبـي للصبـر بـال(ن) طويـل وللجـروح اسبـاب

وانا مارحـت ادور للجـروح .. اعـذار.. واسبابـي

حبيبـي يـوم شفـت ان الزمـان برجعتـك كــذاب

تركتك للتجافـي .. والغـرور .. بزحمـة اصحابـي

رحلت وقلت اسافر عنك ..واجزيك الغيـاب ..غيـاب

واببعد واستريح مـن السهـر.. واريـح اعصابـي !!

هجرت ارض الجروح ابغى عن تراب الجروح..تراب

عساي انساك ..وانسى رجعتك .. والجرح.. وترابي!!

يطيب الجـرح والا ياعسـى جـرح الهوى..ماطـاب

تفضل هاك جرحك..واستريح .. وجرحـي اولابـي !!

طلع صبـح الفـراق بشاطـيء الغربـه ودار اجنـاب

ولعنت ام الحنين وسالـت الدمعـه علـى اهدابـي !!

دمتم بود

الموضوع الأصلي: عادل الذيابي والاعجاب الشديد به ...!! | | الكاتب: أمـــير بـكلمتي | | المصدر: شبكة بني عبس

[ميلاس]

صح لسسآإنه واعتلآإ شآإنه

قصييده روعه بإنتظآإر جديده ..

[نواف المثني]

هجرت ارض الجروح ابغى عن تراب الجروح..تراب

عساي انساك ..وانسى رجعتك .. والجرح.. وترابي!!

يطيب الجـرح والا ياعسـى جـرح الهوى..ماطـاب

تفضل هاك جرحك..واستريح .. وجرحـي اولابـي !!

طلع صبـح الفـراق بشاطـيء الغربـه ودار اجنـاب

ولعنت ام الحنين وسالـت الدمعـه علـى اهدابـي
صح السااااااااااااااااااااان شاعرهاا وسلمت ايادي نقلهاااااا

[أمـــير بـكلمتي]

اقتباس من مشاركة ميلاس صح لسسآإنه واعتلآإ شآإنه قصييده روعه بإنتظآإر جديده ..

وصح بدنك لا عدمناك ع المرور العطر والشيق

[أمـــير بـكلمتي]

اقتباس من مشاركة نواف المثني هجرت ارض الجروح ابغى عن تراب الجروح..تراب عساي انساك ..وانسى رجعتك .. والجرح.. وترابي!! يطيب الجـرح والا ياعسـى جـرح الهوى..ماطـاب تفضل هاك جرحك..واستريح .. وجرحـي اولابـي !! طلع صبـح الفـراق بشاطـيء الغربـه ودار اجنـاب ولعنت ام الحنين وسالـت الدمعـه علـى اهدابـي صح السااااااااااااااااااااان شاعرهاا وسلمت ايادي نقلهاااااا

وسلمت انت ع المرور

[مروان الرشيدي]

عزالله انه شششاعر كبيرررر


لله درك يالذياابي والله وملييون نعم


شاعر مبدع مبدع مبدع



لاهنت ياامير على هذا النقل الراااائع

[اخو جوزاء]

امير بكلمتي

اختيار موفق وكلمات شاعر متمكن

صح السانه على هذه الرائعه

تحياتي

[المميز]

صح اللسانه
ولاهنت اخوي امــــــــير