![]() |
|
خيارات الموضوع |
|
مساءكم عطر تفوح منه شذى المحبه 0 وتنتشئ من روحانيته السكينه 0 واهلا بكم في الحلقة الثالثه والعشرون من برنامجكم حوار قبل الافطار والذي سيكون ضيفنا من الشخصيات الطموحه والهادئه التي تجمع العديد من الخصال في شخصها 0 ضيفنا اليوم قمر صوب نوره على قلوبنا وانار دروبنا بكلماته الهامسة 0ليجعلنا حول حروفه كالنجوم بدأ الصيام في الرابعة عشر من العمر 0 يحرص على متابعة المحاضرات الدينيه 0 ويهوى البر كثيرا 0 كانت بداياته الشعر وهو في الخامسه عشر من عمرة شارك في العديد من الامسيات وأبرزها مهرجان شقراء السياحي لا اطيل عليكم مع ( كاتب ) وحوار قبل الافطار اختر عنواناً لسيرتك الذاتية في كلمات؟ شاعر وقارئ مشاعر تاريخ ميلادك ؟ مادري لكن سنة العرب يحيلون لمسمى هههههههه تخبره انت هاك الحين حويلي هههه برنامجك اليومي؟ بيت دوام دعوات نوم نت صلاة حكمتك في الحياه ؟ حديث نبينا محمد صلى الله عليه وسلم ( لايؤمن أحدكم حتى يحب لأخيه مايحب لانفسه ) صحيفتك المفضله وشاعرك المفضل؟ لايوجد الشاعر المفضل كل مبدع وجزل طبقك المفضل في رمضان ؟ الشوربه مافيها كلام وحلى ام عزوز مالذي اختلف بين رمضان في الماضي ورمضان في الحاضر؟ رمضان بالماضي له ذكريات جميله والتكلف فيه بسيط اما رمضان الحاضر تكلفه كبير والناس يتفاخرون بالموائد رغم انها لاتجد من ياكلها متى بدأت الصيام ؟ قبل سن 14 والله ياعلينا قيض نترشش بالماء ولافيه مكيفات ولاشي بدو موقف طريف حصل لك في رمضان ؟ مره جاي انا وعمٍ لي الله يرحمه والجو مغييم ماتشوف الشمس بقووه قال انت ضابط وقت الفطور قلت الله الله قال عشت ولدي المهم بعد شوي مابطينا من السالفه قلت ياعم افطرنا قال بسم الله ونفطر ترانا مع الطريق لهلنا بدو افطرنا وعينا خير وبعد نصف ساعه وصلنا للوالد الله يرحمه الإ هو مأفطرو قال عمي ما افطرتم قال الوالد لا باقي 10 دقايق التفت في عمي وقال لطة هالعيوووون ومفطرنا ههههههههههه عاد هي نيتي انا لكن وزت ؟؟؟؟ مكان تحب أن تذهب إليه في رمضان ؟ الحرمين الشريفين عمل تحرص على أدائه في شهررمضان لا اريد ذكره مجبرعلى السفر، جواً أو بحراً أو براً، ماذا تختار ولماذا؟ يازين ممشى الأرض لو هو مسافات ...... في كل روض مصلحين قهوتنا جابها الشاعر الشراري البر خصوصاً ايام الربيع له روئيه خياليه ويشرح الصدر ومعك رجال شرواك وعزبه كملت برامج رمضانية تحرص على مشاهدتها ؟ المحاضرات الدينيه . طاش . دوري زين كيف تقضي على الملل إذا تسرب إلى نفسك؟ كثرة الزيارات والنت بيت من الشعر تردده؟ يا الله أني طالبك سترك وحسن المآب .............وافتح ألنا أبواب جنتك ما أحلى أبوابها وظلنا في ظل وجهك إلى زرنا التراب ....................شوقنا بالجنة أنهارها وأعنابها ما هو أول شيء تفعله بعد الإفطار؟ الذهاب للمسجد ونكمل الفطوور بعد الصلاة هههه ماذا يراود ذهنك وانت على المائده قبل الاذان ؟ والله كل ماتذكرت ان بهأخواناً لنا بالإسلام مايحصلون شقفت تمره اتحسر واقول احمد الله واشكره وادعي ان الله يلطف بهم ويرزقهم ماهي هوايتك الرمضانيه . ومع من تقضيها ؟ والله عندي هوايات لكن مجمدها منها كرة القدم لكن محافظين على اللياقه بالبلاستيشن ههههههه اجمل احساس يأتيك بـ رمضان ؟ أكيد احساس كل مسلم فرحة بشهر الغفران جعلنا وياكم من من يغفر له الله كم مره افطرت وانت ناسي انك صايم ولامره ولله الحمد ثلاثة أشخاص تختارهم لمائدة إفطارك؟ والله ثلاثه لالالا ودي كل الربع يفطرووون عندي ربعنا وايش كثرهم الله يستر هههه شخص يحرص على تزويدك بآخر الأخبار والمستجدات؟ عظيم الشوق هو متابع ويعطيني العلوم أول بأول بس نوب يملحها هههههه واخر لا يخبرك حتى تسأله ؟ عزوووز والله مايجيب العلم الله يصلحه الإ بالعفرته ههههه ثم هو استلمني بالأسئله حرك تنشب هههههه كاتب حدثنا عن بدايتك الشعريه ؟؟ بدايتي من عمري 15 منها مساجله لشاعر مبدع لكن لايحب الظهور سنيد غنام الله يذكره بالخير اقول ولاتدققو كلمات قديمه خخخخخخ ياسنيد عقب الزين عييت لأرقد ...... والجفن عن لزة منامه يلوجي؟ كني على جمر الغضاء يوم يوقد ..... الضيق لولا بالخلاء يوم ادوجي وقال يامرحبا بالخط ترحيب من جد ....... يوم الله آمرنا وفتحنا الدروجي اطول من ذلك القصائد لكن ماتحضرني الآن ابو عبدالعزيز أنت ممن يجيدون المحاوره والنظم ؟ هل هذا صحيح ؟ ارحب يابو رنا هههه تو رحب والساعه اللي ماهي صاحيه السؤال هذا فيه انه واخواتها ههههههههه نعم اجيد المحاورة ولكن اتجاهي للنضم وهو المسيطر اين يجد كاتب نفسه مميز في النظم او المحاوره .؟ ولماذا لا اخفيك أن النضم أو بالأصح النبط حيث أنه يعالج قضايا تذكرت بيت لي من قصيدة ..بسم الله أبدا كل ماجالي مجالاً بالقصيد ................ قصيدتي في حزة الواجب بأصوغ ابياتها شاعر ولي مبدا ولي شيمه ولي رايٍ سديد ................. عند اللوازم تعرف الأشناب في وقفاتها والشعر مبداه الرساله من قديم ومن جديد ................ عالج قضايا شاهد التاريخ في عضلاتها أصوغ عذبات المعاني بالفرائد والمفيد ............... ماني لحالي بس لي وجهة نظر في ذاتها والقصيدة طويله لكن جبت الدليل على سؤالك كاتب هل سبق وأن نشرت قصائدك بالاعلام بشكل عام ؟؟ لا ولاجاء على بالي انا كسووول جداً كاتب انت من الاقلام الرائعه ومميز بطرح مواضيعك الرائعه ولكن تواريت عن الانظار لماذا ؟ بالعكس ماتواريت آخر مانزلت بمنتدى المحاورة هههههههه بازن فيه ههههه اخوي ابو رنا اتجاهي واحد مثل أي كاتب هو الشعر وميلي إليه ولي دائماً جديد وآخر ماطرحت (( درة المآس )) وقبلها (( رسمت الضحكة مابين شفاها )) الله يهديك وتقول مقل ومتواري أدري انك تقصد المواضيع العامه بس ودي اتفلسف شوي على القارئ الكريم هههههههههههه من يعجبك من الشعراء ؟ الشاعر الراقي بشعره والمتجدد من يملى القصيدة بالصور الشعريه الجزله كتاب تتمنى تأليفه ؟ اخي العزيز ماوصلت لمرحلة تأليف على شانك نجاوب لاتحزن للدكتور القرني عضو تتابع ردوده ومواضيعه ؟؟ أعضاء كثيروون متألقين أقلامهم رائعة أما الردوود بدوون مقارن وغير قصور بالزملاء أمبراطور الكلمة شاعرنا الرائع نريد ان نختم حوارنا بقصيده من قصائدك ؟؟ قصيدة قديمه بين الهدب ( كاتب ) ومابين الأوجان ........................ تحيةٍ لأجل العيون وهديه .....أسمي كتبنه بين خدك والأعيان .................... لو تمسحينه راح بيتي ضحيه ...نور القمر مع نور خدينك أخوان ................... وانت السعاده يوم تنظر أيليه .......لاتتركيني تايه الفكر حيران .................. بين الرجاء والياس والعاطفيه لو قلت أحبك قلت من قلب ولسان ................ واكتب على حبك بموتي وصيه .....لاتشعلين بداخل القلب نيران .................... لازال نار مواجهك في حيه ...لاتسئليني وش بقابي من الآن ................... مثلي مثل بغداد والناصريه ..انتي وانا قلبين في داخل انسان ................. طول الزمن تبقى قلوباً سويه .....بابٍ يقفل ينفتح عشر بيبان .................. نلقى بدل ماينقفل باب 100 نجحد ونخفي داخل القلب مايبان ............... هذي هي الدنيا رموزاً خفيه أحساس شاعر ترجمة قسية أزمان ............................ يسعد صباحك يالليال العذيه كلمة اخيره بنهاية هذا اللقاء أشكرك اخوي ابو رنا على هذا الحوار كلي ممنون لك يابعد عمري واتمنى أن أكون ضيف خفيف الظل على المشاهدين والقراء واتمنى اني وفقت واشكر قلعة المجد والتاريخ على إتاحة هذه الفرصة لي في هذا البرنامج الناجح والرائد بمقدمه الأخ العزيز وتقبل الله منا ومنكم صالح الأعمال سبْحانَك اللَّهُمّ وبحَمْدكَ أشْهدُ أنْ لا إله إلا أنْت أسْتغْفِركَ وَأتَوبُ إليْك الموضوع الأصلي: [ كــــــــــــــــــــــــــاتـــــب] ضيف حــــــــوار قبل الافطار | | الكاتب: سند الداموك | | المصدر: شبكة بني عبس
|
|
لقاء مميز
مع الشاعر المبدع \ كاتب له بصمه شعر بشبكة عبس شكرا لك ابو رنا عاى الحوار
|
|
|
والله أنه من الشعراء اللي أتابعهم بأستمرار ..
وأبداعه ليس له حدود .. ورجال سريع بالفزعه .. لاهنت يابو رنا ..
|
|
حوار رائع مع الاستاذ والشاعر كاتب
دائماَ وافي وصريح لاهنت ياابو رنا
|
|
حوووووووووووواواار
ررررررررررراائع سند لاهنت
|
الشاعر والكاتب والمبدع .. أبا عبدالعزيز
له جل الإحترام والتقدير .. شخصيه راقيه الحوار مع الأخ كاتب لا ينمل و تمنيت لو طال الحوار و أكتشاف أسرار هذا العبسي الأصيل وفقكم الله |
|
صراحه حوار رائع جدا
اما سالفه تفطيرك لعمك الله يرحمه خخخخخخخخخ حلووووووووه
|
يتصفح الموضوع حالياً : 1 (0 عضو و 1 ضيف) | |
|
|
![]() |
||||
الموضوع | الكاتب | القسم | الردود | آخر مشاركة |
دعاء الصائم عند الافطار - ماذا يقول الصائم عند الافطار - ادعية شهر رمضان المبارك | الشاطئ المهجور | المنتدى الإسلامـــي | 2 | 04-07-2013 01:09 PM |
الجلسه بعد الافطار | منصور غنيمان | المنتدى الإسلامـــي | 1 | 30-08-2009 02:08 AM |
الفائدة من الافطار | الولد العبسي | المنتدى العــــــــــــــــام | 3 | 19-06-2008 12:29 PM |