[المر العذب]

على كثر الكلام وكثر ماقبل الكلام جروح
سكت وما لقيت الكلمتين اللي على بالي
أخاف إن قلتها وإن قلتها وإن قلتها بوضوح
توسدني ملامات الرفيق وشرهة الغالي
كذوبة يا الهجوس اللي على الخاطر تجي وتروح
بغيت أزبن ذراها واستريح وما تهيا لي
ورحت أتلي شتاتي وآترجا صوتي المبحوح
تموج بي الدروب ومسند كفي على ظلالي
عسى ما إنتي رجايا يابروق في سماي تلوح
يشرهبني رعدها والظما بالصدر همالي
نقلت جروح ما أعرفها بقلب مرهف مجروح
تنطحت البياض و سود الله وجه عذالي
ولو طالت بي الحروة وبانت للملام شبوح
نهض شوفي جنحانه واستبان المرقب العالي
ولو خان الشفق مرة ومرة طيره المذبوح
بقا وكره على جباه النجوم المرقبة خالي
يسامحني رفيق كل ما أخطى قلت له مسموح
على كبر الهقاوي من رفيقي مرخي حبالي
ماهو ذنب الكفوف اللي شذاها بالجميل يفوح
إلى من صافحت بعض الردى في بعض الأحوالي
ماهو ذنب الورود اللي قطفها عابث مشفوح
تشح بعطرها عن كف قاطفها ولا تبالي
ماهو بـذنب الوفا والنية البيضا وطيب الروح
وأنا ثوب الجمالة ما لبسته جرد وسمالي
على كثر الكلام وكثر غيظي مانويت أبوح
عساها ماتعود الكلمتين اللي على بالي

الموضوع الأصلي: مساعد : عساها ماتعود .. | | الكاتب: المر العذب | | المصدر: شبكة بني عبس

[رشيديه و أفتخر*]

صح الساان شاعرها المبدع
ولاهنت اخوي المر العذب ع النقل الرااائع .

[نايف ابن عليثه]

صح لسآن الزعيم ..

ومآتجيب الا الجزل يآالمر العذب ..

لآهنتــ ..

[المر العذب]

اقتباس من مشاركة رشيديه و أفتخر* صح الساان شاعرها المبدع ولاهنت اخوي المر العذب ع النقل الرااائع .

شكرا على المرور ..

لاهنتي ..

[المر العذب]

اقتباس من مشاركة نايف ابن عليثه صح لسآن الزعيم .. ومآتجيب الا الجزل يآالمر العذب .. لآهنتــ ..

والله يانايف مرورك أنتظره بأي مشاركة ..

لاهنت ..

[مروان الرشيدي]

يالله ما أجملك يامسساعد


ورب البيت كلمات كالزمرد


شكرآ مساعد شكرآ




المر والله ان مرك دواء للكبود الضاميه شعرآ

شكرآ يامميز شكرآ تستاهل احلا تقييم





كان هنا مروان

[المر العذب]

اقتباس من مشاركة مروان الرشيدي يالله ما أجملك يامسساعد ورب البيت كلمات كالزمرد شكرآ مساعد شكرآ المر والله ان مرك دواء للكبود الضاميه شعرآ شكرآ يامميز شكرآ تستاهل احلا تقييم كان هنا مروان

مروان

أضفيت على الجمال جمال بمرورك ..

[برق الشمال]

رائعة صح لسان الشاعر المبدع الزعيم مساعد الرشيدي