[كوكب ابانات]

بسم الله الرحمن الرحيم
اخواني أعضاء وزوار شبكة نبي رشيد
أقدم لكم هذه القصيده قالها الشاعر / خالد عايش مزيد بن شقاما المظيبري الرشيدي
يمدح فيها الشيخ/ صلحان فلاح بن بدوي المظيبري الرشيدي
رئيس مركز المرموثه في ابانات بمناسبه الحفل الذي اقامه الشيخ صلحان بن بدوي
على شرف بعض من شيوخ واعيان قبيله بني رشيد. رئيس مركز عين بن قنور .
ورئيس مركز الودي ورئيس مركز مشرفه . يقول بها

سلام ياللي نمدحه مانسبه ** من ليله الجلوه ومن قبل له شان
ويوم الخناق النصر والحرب شبه ** ونايف موليه الاماره على أبان
فعله على جده وابوه افتخر به ** وملكه قديم ومنصبه ورث جدان
صدوق قول وله مقام ومحبه ** ومجلس وسيف ومشبع كل جوعان
كن الكرم يوم الدهر يختصر به ** جزل العطايا يوم شحات الأزمان
شيخٍ بنا في قمه المجد قبه ** ولحدٍ مكذبني ليا قلت صلحان
طب الدهر فينا اليا ضاع طبه ** نصاف بالقوه اليا ضاع الحسان
ميزان يوزن فيه صخره وحبه ** نفاض جيبه عن ضلايم وبهتان
يذريك كان الشر ذعذع مهبه ** يمشي ضحا لو كل اهل نجد عدوان
فريد من نوعه ومن بيت عربه ** معدن حمايل تأمنه وين ماكان
متواضعٍ لله كلٍ ينبه ** يرد لا عيله ولا زلة لسان
ماحط دون الله جوخه وجبه ** متسلح سيف العزيمه والايمان
يحمى طلبنا والخصيم يعثر به ** دون القبيله كل طماع خسران
مادور المركز يبي ينتصبه ** امارته على بدوي سيف وحصان
تشرب ربوعك بارد الماء بقربه ** وانت بمطالبهم مسافر وضميان
حشى وكلا قاصدك ماتكبه ** ماتستهين ولا تعذر بنسيان
فعلك يشاف وموقفك ننتصربه ** من شيمتك تحشم مجالس وعربان
حقٍ بيوم الحزم ماينجهربه ** وقت الرخا كل من الحق زعلان
قصيدي في شيخنا تنحصربه ** عذرٍ ونعم للكل اهالي وضيفان
وصلو على اللي طاع بالحق ربه ** للناس مرسل فيه هدايه وقران

الموضوع الأصلي: قصيدة الشاعر/خالدعايش بن شقاما المظيبري الرشيدي يمدح الشيخ/صلحان فلاح بن بدوي | | الكاتب: كوكب ابانات | | المصدر: شبكة بني عبس

[شداد المظيبري]

صح لسسان الشاعر / خالد عايش
نتمنى له الشفاء العاجل

والشيخ / صلحان بن بدوي يستاهل المدح


تحياتي لك

[العايضي1]

سلمت اناملك وصح لسان قائله
ونعم بمن نسبت اليه
تقبل مروري

[محمد الشقامي]

صح لسان الشاعر خالد عايش
نتمنى له الشفاالعاجل
كوكب ابانات تسلم على النقل الرائع

[سعود العبسي]

صح لسان الشاعر / خالد بن عائش بن شقاما والله يشفيه ويعافيه يارب والشيخ صلحان بن بدوي يستاهل المدح والشكر موصول ل كوكب ابانات0
تحياتي

[محمدسعودالخياري]

ونعم بأمير المضابرة ابن بدوي .
وصح لسان الشاعر خالد عايش الرمظيبري..

[سالم الرشيدي]

صــح السآنه وأعـتلا شآنه
والشيخ / صلحان بن فلاح
يستاهل المدح
والله يعطيك العآفيه
يـا كوكب ابانات على نقلها لنا
ولاهنتـ