[عز الخــوي]

هذه أول مشاركه لي وهي خاطره بسيطه أتمنى ان تحوز على رضاكم,,

أنا ماحب النفوس اللي ضعيفه=اللي أمن أدنات شيٍ ماتداني
وعن علومٍ ساقطه نفسي عفيفه=حالفٍ ماانزل بنفسي للطماني
أعشق أرجالٍ علايمها ظريفه=لافعول ولابعد منطق لساني
مثل ضلعانٍ على البيدا منيفه=ثابته مهما تغير في الزماني
من يخاويني على العز أنا سيفه=والله أني سعد عينه لابغاني
في مصيف الوقت والا في خريفه=طبعي المعروف ماله طبع ثاني
والمراجل للرجل ماهي كليفه=ماتكلف غير مقصور اليماني

عــز الخوي

الموضوع الأصلي: أعشق ارجالن علايمـــها ظريفه | | الكاتب: عز الخــوي | | المصدر: شبكة بني عبس

[أمـــير بـكلمتي]

صح لسانك واعتلى شانك
تحياتي لك

[عز الخــوي]

صح بدنك يالغالي,,
وأشكرك على مرورك العطر..

[(بني عبس)]

صح السانك

---

[ميلاس]

صح لسسآإنك .. واعتلآإ شآإنك .



‏ ‏

[مرآهيش]

اقتباس من مشاركة عز الخــوي من يخاويني على العز أنا سيفه=والله أني سعد عينه لابغاني

عزى الله انك عز الخوي

صح لسآنك شآعرنآ وبانتظآر جديدك

[عز الخــوي]

بني عبس
ميــلاس
مراهيــش

صحت أبدانكم ولكم فائق الاحترام,,,

[كاتب الرشيدي]

والمراجل للرجل ماهـي كليفـه

ماتكلف غير مقصـور اليمانـي

حياك الله

وصح لسانك