[عبدالله عوجان]

متذوقي الشعر وعشاقه يسرني أن أضع بين أيديكم هذه القصيده
المتواضعه علها تجد القبول من ذائقتكم
وتحوز على رضاكم

يافاتنه بالملح والليل محبوب=للشاعر إن حبّ القصيد بخليله
ومادامني بالحبّ والشعر موهوب=بـاأصوغ فيك أحلى البيوت الجزيله
وأدلّعك وأذوب وأذوب وأذوب=وأقلّدك شعر الغزل يالجميله
لو للجمال أنساب بيكون منسوب=لك وحدك ولا فيه أحد ينتميله
جميع مابك ياأتلع الجيد مرغوب=يـاأمّ الجمال اليعربي يالأصيله
أنتي قصيدة شعر غامض ومكتوب=في قلب من قلبه مشى خلف ميله
قلبك هو المطلوب والشعر مطلوب=وأنا بشعري فيك (راعي طويله)
هذا هواي اللي مع الشوق مصحوب=ولاغبت يحرق خافقي كلّ ليله
شوفتك وابل غيم بالقلب مسكوب=طلّتك حلوه غيبتك حنظليله
صمتك قصص عاشق سوالفك بـسلوب=صوتك نغم نوح الحمام وهديله
حديث قلبك ذو شجون أعني دروب=متشعّبه مستعصيه مستحيله
جبهتك صبح ارموشك جيوش بحروب=شعرك دجى ليل وخدودك خميله
عنقك يشابه عنق شادن ومرعوب=قدّك غصن بان وردوفك ثقيله
صدرك به الرمان ينعم به الثوب=خصرك نحيل أنحل خصور ٍ نحيله
جوّك رومنسي شفـتك راح ٍ بكوب=سِودك سهوم وناعسات وكحيله
لو شاف (هولاكو) سهم عينك يتوب=وعن حربه (لبغداد) يعلن رحيله
ولو شاف مقلتك (الفراهيدي) تنوب=مقلتك عنده عن (هزجْه وطويله)
ولو شاف قدّك (سيبويْه) التفت صوب=(علم النحو) وإستشهد إلْك بدليله
ويقول للمرفوع بالضم منصوب=وعلامة النصْب أنتصابة جميله
يعني لك أصبح كلّ ماصار مقلوب=والغايه تبرّر ظروف الوسيله
نخب المدام اللي من الثغر مصبوب=إلى أحتسيته يسرج القلب خيله
وأقطع فيافي الحبّ وأتوه وأجوب=(وألقي عصاي) بوسط روضه عليله
ويافاتنه والحبّ للشعر محبوب=أنتي شعر والشاعر أصبح يشيله

عبدالله عوجان

الموضوع الأصلي: كاد ان يحدث لهولاكو والفراهيدي وسيبويه ما لايحدث | | الكاتب: عبدالله عوجان | | المصدر: شبكة بني عبس

[برق الوسم]

شاعرنا عبدالله العوجان
صح لسانك قصيده رائعه
تقبل مروري

[خاتم الرشيدي]

صح السانك وعلا شانك قصيده بصراحه اعجبتني من بدايتها لين نهايتها
وتقبل خالص الود والتقدير

[شاعر الوطن]

صح اللسانك يابن عوجان قصيده اعجبتني

[منصور غنيمان]

شاعرنا عبدالله العوجان
صح لسانك قصيده رائعه
تقبل مروري

[(فارس الرشيدي)]

صح السانك وعلا شانك قصيده بصراحه اعجبتني من بدايتها لين نهايتها
وتقبل خالص الود والتقدير

[كاتب الرشيدي]

صح لسانك

بيض الله وجهك يابو عوجان


تحياتي

[المحيط الهادي]

صح لسانك وأعتلى شانك أخوي عبد الله عوجان ..