[النمر1012]

يا للي تقـول الله يخلـي المجـلات
خـذ راحتـك دور مجلـه مجـلـه
وليا تعبت من الشقـى و المتاهـات
عـود وتلقـى عنـدي العلـم كلـه
تلقى مكاني بالفخـر كـل الأوقـات
مجلس أبـوي اللـي حظنـي بظلـه
المجلس اللـى حـط للعـز رايـات
فـي موقعـاً كـل النشامـا تـدلـه
راعيه سمح أقبال للضيـف بالـذات
كلـه وقـار ومجلسـه مـا تمـلـه
حلال صعبات المشاكـل لـي جـات
فـي دبـرة الله كـل كايـد يحـلـه
له رأي صائب في الشدايد ووقفـات
تلقـى لهـا بيـن النشامـا أدلــه
إقلط بصدر أوسع فيـاض الثقافـات
على علوم أرجال مـع كيـف دلـه
روح الأصاله مع رقـي الحضـارات
مزبانهـا روس الجبـال المطـلـه
أنشهد إنـه رغـم كثـر المجـالات
مصنـع رجـال ومدرسـه مستقلـه
منهـا تعلمنـا جميـع المـهـارات
لين اصبح المـوروث فينـا جبلـه
وأن حقق الله رغبتي والطموحـات
لكسـر قوانيـن الحكـي وأستحلـه
وأرقى سنامة غصب في حبك الابيات
على سـراج الديـن واخيـر ملـه
حتـى تغنابـي جميـع المحـطـات
وتـردد أفعالـي مجـلـه مجـلـه
عبدالرحمن معيض - جرح بدوي

الموضوع الأصلي: يا للي تقـول الله يخلـي المجـلات خـذ راحتـك دور مجلـه مجـلـه | | الكاتب: النمر1012 | | المصدر: شبكة بني عبس

[نواف المثني]

يا للي تقـول الله يخلـي المجـلات
خـذ راحتـك دور مجلـه مجـلـه
وليا تعبت من الشقـى و المتاهـات
عـود وتلقـى عنـدي العلـم كلـه

صح السااااااااااااااااااانك شاعر مبدع

[سلمان الزبني]

ابيات روعه جدأ يعطيك العافية على الموضوع

[العبسي الغامض]

حتـى تغنابـي جميـع المحـطـات
وتـردد أفعالـي مجـلـه مجـلـه

صدق هذا الشاعرَ

[سالم الرشيدي]

صح لسأن شأعرها
وتسلم يمينك ياالنمر على النقل الذوق ولاهنتـ

[النمر1012]

صح بدنكم والله يسلمكم وعافيكم ومشكورين علي المروررررررررررررررررررررر الجميع

[النقيشى]

قصيدة جزله من شاعر جزل

[النمر1012]

الله يسلمك ياالنقيشي وبيض الله وجهك ومشكور علي المروررررررررررررررررر