[محمدسعودالخياري]

السلام عليكم ورحمة الله وبركاته

اولآيسعدني ويشرفني انضمامي لهذا الصرح الشامخ

وكما يشرفني ان انقل لكم هذه القصيد للشاعر عيد غازي الرشيدي

وتمنا ان تنال على اعجابكم ..

هاض الهجوس وقلت امسيك بالخير=ياأمير عبس اللي تفك الشكاله
يامحمد مسيلم زبون المخاسير=يكفي فخر للطيب انك عقاله
مادحك ربي قبل لامدحك يامير=والمدح في شرواك مابي بداله
اسعد خبر لاقالو محمد بخير=واكبر فخر لاصرت جالس اقباله
الذكر طيب والفعايل مغاتير=متوارثه من طيب عمه وخاله
من طيب ذكره مايبي زود تذكير=فاحت على نار المكارم دلاله
لاهنت ياشوق البني الغنادير=فعلك ينومس وافين بالجزاله
السيل مايشره على صفوة البير=ياالوادي اللي مالي الطيب جاله
الحر حر ولايهون المناعير=لكن ابوجاسم سطع في مجاله
بين الرواسي شامخن كنه النير=وبين البشر ماكنه الا لحاله
والله لو انه قبل سالم الزير=كان المهلهل واحدن من عياله
ماكفاه بابه منفتح للمسايير=جاب الدركتر طير شلوى وشاله
ياأمير عبس اللي تشق الطوابير=يامحمد مسيلم عريب السلاله
ماهو كلامن ينكتب باالطباشير=كلن شهدلك مايبيلك دلاله
مدحي لمثلك مايبي اي تفسير=شاعر كتب بالشعر من ماطراله
في مدح ربعي ماحسبت المشاوير=يلعنك ياشعرن بليا جماله
ربعي وانا ربعي!! مع كل تقدير=كل القبايل وافيه بالجزاله
لكن ربعي غير يوم الزمن غير=نارد على عد الوغا لامحاله
بني رشيد اهل الوجيه المسافير=حماية العطفا بوقت الشكاله
واليوم في عز الصباح النوادير=في ظل ابو ناصر نعيش بسهاله

الموضوع الأصلي: حـمـايـة الـعـطـفـا,,,للشاعر عيد غازي الرشيدي | | الكاتب: محمدسعودالخياري | | المصدر: شبكة بني عبس

[فهيد الشويلعي]

صح الساااان شاعرها

[هيون]

بني رشيد اهل الوجيه المسافير *** حماية العطفا بوقت الشكاله
ونعم وصح السان شاعرها وجزله
من راس ضاري على الجزلات
تقبل مروري

[alreshedi]

صح السان شاعرها ولاهنت

[عادل بن هون]

بني رشيد اهل الوجيه المسافير *** حماية العطفا بوقت الشكاله
ونعم وصح السان شاعرها وجزله
من راس ضاري على الجزلات
تقبل مروري

[مروان الرشيدي]

صح ألسآن : شـآعـرهآ



لاهنت على الطرح

[مداروفلك]

قصيده رائعه

صح الله اللسان قائلها

ويعطيك العافيه اخوي محمد

ومشكوررررررررررررر؟؟؟

[الرشـ بنت ـايده]

صح السان شاعرها ولا هان ناقلها ,’,’,

تسلم اخوي ويعطيك العافية على هذه القصيدة الرائعة ,’,’,