[النمر1012]

ياصاحبي لاتلـوم اللـي نفـذ صبـره
أقفى يغافـل عيـون الريـب يلهيهـا
محدن عرف ما يعاني واطـي الجمـرة
النـار مـا تحـرق إلا رجـل واطيهـا
أما الصراحة ترى مـا همنـي عثـرة
عثـرة مغـرَّر تـعـذر لا يداريـهـا
بعد المعاتـب تبيَّـن مـا ورى جهـره
مشاعـره غيـث مـا يقـدر يخفيهـا
فطين وادري عن اللي صـار بالفطـرة
حطوا له أفكـار قالـوا لـه يجاريهـا
خلـف الكواليـس نـاسٍ دوم محتـرة
ناسٍ حسـودة عسـى ربـي يجازيهـا
يزيِّفـون الحقايـق واصبحـت مـرة
ومصيـر الايـام تتجـلـى خوافيـهـا
والداب لو هو تخفّـى واندفـن جحـره
مـن يأمـن الـداب لقصاتـه يثنيهـا
عزاه ياصاحبـي لـو خانـوا العشـرة
وانـا بـدرب الوفـا رجلـي معنِّيهـا
أنا ( قلم ) ما اختلف لونـه ولا حبـره
دايم حروفـه علـى الطيبـة معانيهـا
حتى الخطا لو حصل جتني من البكـرة
روح الندامة علـى الـزلات وامحيهـا
والصـورة الظاهـرة تزييـف للفكـرة
ذيـك المثايـل عرفنـاهـا مغازيـهـا
والله ما همني اللي مـا اكتمـل عمـره
معذور- تايه مشاعـر- لـو ينافيهـا
اللي بلانـي مـن المكـار فـي مكـره
يتظاهـر الطيـب والشينـة يسويهـا
صحيح ما يجنـي إلا الـذل والحسـرة
لكنـهـا قـصـة لابــد نـرويـهـا
لي موقفٍ ثابتٍ واقسى مـن الصخـرة
وافي مع اللي وفي والصحبـة أشريهـا
ضحيت بالوقت من صبحه ليا عصـره
ويامـا سهرنـا مـع اللابـة نداريهـا
في خدمة أهل الوفا ما غايتي الشهـرة
صحبـة وفيَّـة لـزوم إنّـا نوفيِّـهـا
واللي يخالف مبادي الصرح وش عذره؟
دام المحطـات تزهـى فـي مباديـهـا
محطة الشعـر صـرح معتلـي ذكـره
تاج على روسنـا و(نعـم ) براعيهـا
ماراق اللي من القصيدددددددددددددددددد

الموضوع الأصلي: خلـف الكواليـس نـاسٍ دوم محتـرة | | الكاتب: النمر1012 | | المصدر: شبكة بني عبس

[مذكر الرشيدي]

راق لك الشعر الجميل

ونقلك مميز ايها المبدع

[الـرونـق]

صح لسان شاعرها

مشكوووور أخوي النمر على الاختيار الرائع

والله يعطيك العافيه

[النمر1012]

صح بدنكم والله يسلمكم وعافيكم ومشكورين علي المروررررررررررررررررر

[الكريمه]

قصيده رائعه
الله يعطيك الف عاافيه

[النمر1012]

الله يعافيكم وسلمكم ومشكورين علي المرورررررررررررررررررررررررررررررررر

[أمـ الشوق ـير]

صح لسآنك

تسسسسسسلم

[النمر1012]

صح بدنك والله يسلمك وعافيك ومشكورين علي المرورررررررررررررررررر