[محمد الراشد]

ما هو خطأ عشـان ادور معاذيـر
.. .. .. .. .. .. .. .. .. .. .. .. .. .. ولا هو غلط عشان ادور صوابـه

اليوم توه عود لـو كـره الطيـر
.. .. .. .. .. .. .. .. .. .. .. .. .. .. واصبح يشوف العالم اكثر رحابـه

مستغربين انه ملى قلبـي الخيـر
.. .. .. .. .. .. .. .. .. .. .. .. .. .. ليه الغرابة ! وين وجـه الغرابـة ؟

تعبـت ادور للخطـاوي مشاويـر
.. .. .. .. .. .. .. .. .. .. .. .. .. .. ليـن التعـب زاد الليالـي رتابـة

يبكي فرح من شاف بعض التباشير
.. .. .. .. .. .. .. .. .. .. .. .. .. .. معـذور لـو دمعـه يبلـل ثيابـة

من كنت بأول خامسة طفل صغيـر
.. .. .. .. .. .. .. .. .. .. .. .. .. .. كنت امتلي حزن وغموض وكأبـه

كنت أشعر اني غير والمدرسه غير
.. .. .. .. .. .. .. .. .. .. .. .. .. .. هيمان في جو النبـي والصحابـة

كنت ألمح بوجـه الليالـي تعابيـر
.. .. .. .. .. .. .. .. .. .. .. .. .. .. وأقرأ همومي قبل أعرف الكتابـة

والشعر غاااب وله محبة وتقديـر
.. .. .. .. .. .. .. .. .. .. .. .. .. .. اول غيابـه شلـت هـم لغيـابـه

بالنفس كان لبعض هالأمر تأثيـر
.. .. .. .. .. .. .. .. .. .. .. .. .. .. والليلة اهون من جنـاح الذبابـه

تحياتي

الموضوع الأصلي: مستغربين انه ملى قلبـي الخيـر... | | الكاتب: محمد الراشد | | المصدر: شبكة بني عبس

[(*العرعري*)]

محمد الراشد
قصيده رائعه بمعنى الكلمه ورائعه
ولك تقديري وتحياتي يابوراشد

[محمد الراشد]

تحياتي لك يالعرعري

[النمر1012]

محمد الراشد
قصيده رائعه بمعنى الكلمه ورائعه
ولك تقديري وتحياتي يابوراشد

[ابوذكرى]

صح السانك وبيض الله وجهكـــ

[محمد الراشد]

النمر حياك لله

[ذبحني غروركـ]

بالنفس كان لبعض هالأمر تأثيـر .. .. .. .. .. .. .. .. .. .. .. .. .. .. والليلة اهون من جنـاح الذبابـه

لاع‘ــــدمت والله رقي طرحك
وصح لسآآنك ولسآآن شآآعرهاا

[(فارس الرشيدي)]

قصيده مجنونه يابو راشد بس لمن هذي القصيده لم توضح واعتقد انها من ابداعاتك لمالها من قوة
مشكور على النقل والطرح الجميل والرائع