[ذبحني غروركـ]

كل مـا ناظـرت بعيونـك يجينـي
.......من بلا الاشـواق شـيٍ يعترينـي

كـن بعيونـك جيـوشٍ مستـبـده
.......باطشه تمشـي بخطـة موسلينـي

أشعل الاشواق في وصلـك فديتـك
......أبك قلبـي معـك يالـدر الثمينـي

كيف أخذته من ورا حدب المحانـي
.......لين صرت أحس به بينـك وبينـي

العيـون الذابلـه تفعـل بــلاوي
.......وأنت عينك في بحرهـا تحتوينـي

شف هدبها كيـف بالاحكـام جايـر
.......كنـه يخيـرك بإحـدي حاجتينـي

ياتعيـش العمـر مجـروحٍ سببهـا
......والله لتبطي وجرحـك مـا يزينـي

أو تجر الصوت بأسباب النواعـس
.......تكتب المسحوب وتجـر الهجينـي

الوكاد أنـي سببهـا رحـت فيهـا
......كنهـا للضيـم والقتـل تحديـنـي

ساعـةٍ تقـول للاحسـاس قـرّب
......وساعةٍ تقـول كنهـا مـا تبينـي

يالطيـف الـروح خـاف الله فيـه
......لاتهـور خابـرك عقلـك رزينـي

دامك اللي ساكـنٍ عينـي وقلبـي
........وش ورا مسكنك في قلبي وعينـي

أن بغيت أنصفك بإحساس المشاعر
......يقصر الاحساس يابهجـة سنينـي

والقصيد يضيـع بأسبابـك ولكـن
.........حط كفـك لـو تكـرم فـي يدينـي

خـل كفينـي علـي كفـك تكـلـم
...........خلها تنبيـك عـن شعلـة حنينـي

وعن كثير الهرج أبغرق وسط عينك
.........وأستمح منها فقـط فـي كلمتينـي

أنت مجـرم بالغيـاب وبالتواصـل
..........والدليـل أنظـر لحالـي مبتلينـي

ما يطفي لوعتـي لحظـة وصولـك
..........غير ضمك من يسـاري لايمينـي

ويش أسوي دامني مخنوق وانتـه
......عاطر انفاسك بها كـل اكسجينـي

كنت أضمك في خيالي قبل أشوفـك
.........وصرت أشوفك وأتخيل ما تجينـي

طالبـك بسـم المحبـه ياحبيـبـي
......لاتغيب أرجـوك خـاف الله فينـي

الموضوع الأصلي: الوكاد أنـي سببهـا رحـت فيهـا..كنهـا للضيـم والقتـل تحديـنـي | | الكاتب: ذبحني غروركـ | | المصدر: شبكة بني عبس

[نوماس5]

صح لسااااااااااااااااااااانك ورحم الله ولديك يسلموو علي النقل المميز كا العده مميزه

[أحمد بن سلهود]

اختيار موفق وهذا دليل على ذوقك اراقي

[ذبحني غروركـ]

منورين الله يسلمكم

[The monsoon]

الف شكر على النقل

[ذبحني غروركـ]

منور الله يسعدك

[أحمد بن سلهود]

هذه من اجمل القصايد التي استمعت اليها شكرا على النقل

[ساري11]

جميل بجمال ناقلها