[alreshedi]

السلام عليكم
هذي قصيده لي وعساها تنال اعجابكم

بعض المعاني كنها نفس مقهوره=فيها المعاني تنصفك بندفاعه
ماكنها الاكما لامحت الصوره=تضبط معانها وتلوي ذراعه
والله لولاشيمت اخوان نوره=اني لاجيب العيد في ربع ساعه
بس العذر اللي غمرني شعوره=وخلا العرب مابين ربع وجماعه
هذا كلامي والعلوم امخبوره=بين الرجا والياس مابه طماعه
ان قلت لك مطيور جوع طيوره=وان قلت لك شبعان جتك الشفاعه
مافيه داعي نجرح اللي نزوره=خل البيوت اسرار مثل المناعه
بيني وبين الحظ لفه ودوره=كن المعاني تلتفت لي قناعه
اما انت ياللي تاكل الموز بقشوره=خل الاذاني عند تسعين سماعه

الموضوع الأصلي: ربع ساعه | | الكاتب: alreshedi | | المصدر: شبكة بني عبس

[الذيابي101]

مافيه داعي نجرح الي نزوره خل البيوت اسرار مثل المناعه

ياخي لو كتبت هالبيت لحاله ببصملك على العشره انك شاااعر اشهد شهاده لله انك شاااااااااااااااعر ومنطوخ صح لسااااااااااااااانك اول مره اقراء قصيده بهذا المنتدى فيها محاكاه للنفس وعتب وفيه احساس ررااقي انت مبدع الله يوفقك يارب



اشكررررك

[الـريـم]

صح لسانك
ابيات رائعه

[تعبت منك]

صح لسانك
يعطيك العافيه

[ابن شلال]

صح لسانك يالرشيدي
عندك اختلال في وزن بعض بيوت القصيدة واعتقد المعنى هو ماجبرك على ذلك
عالعموم ماقصرت ووجهك ابيض
تقبل مروري وملاحضتي

[الذيابي101]

ماعتقد ان الوزن فيه خلل وياليت توضح لنا الخلل للفائده

[alreshedi]

السلام عليكم

بيض الله وجيكم علي الردود ولاهنتو جميع

ابن شلال ملاحظتك علي العين وراس بس لو تكرمت اي بيت اللي فيه خلل

ممكن تفيدني ومنك نتعلم طال عمرك

[محمدعبيدالعرعري]

يعطيك العافيه