[رمح الليل]

أول مشاركه للي بالشعر منقول

الوقت فاتك لاتجيني ولا جيك
واسمع ترى حبل الموده قطعته


نسيت طاريك وكبيت ماضيك
وأسمك من الذكرى تراني مسحته


لا تعتذر واللي خذيته يكفيك
خلاص وش تبغى بقلب(ن) جرحته


قاسي ولا ترحم وانا ابخص(ن) فيك
معفي من الاحساس صوبي منعته


في ماضي الازمان بالروح شاريك
واليوم حبك وسط الاسواق بعته


ارخصت حبك والسبايب تغليك
لاتحسب(ن) قلبي بحبك اسرته


وين انت عني يوم انا كنت ابغيك
وين انت قلي يوم صوتي رفعته


جهلت صوت(ن) بالمحبه يناديك
لين انقطع حسه وحسه جهلته


دفنت حبك والحقيقه بياديك
ماهوب انا اللي في يديني دفنته


خلاص دور مثلك اليوم يسقيك
من كاس حبه لاني اليوم عفته


وأسمع نهاية كلمتي قبل اخليك
حبيت غيرك بالموده عشقته

الموضوع الأصلي: نسيت طاريك وكبيت ماضيك وأسمك من الذكرى تراني مسحته | | الكاتب: رمح الليل | | المصدر: شبكة بني عبس

[عبد العزيز]

صح لسان شاعرها وتسلم يدينك على الطرح الجميل .

[بنت أبوهــا]

أبيات قوية تحتاج لقلب أقوى حتى يستطيع كتابتها!

صح لسان شاعرها وصح ذوقك

:)

[ميلاس]

ررررروعه ،،
تسسسلم ع الطررح ..

[العبسي الغامض]

وين انت عني يوم انا كنت ابغيك وين انت قلي يوم صوتي رفعته جهلت صوت(ن) بالمحبه يناديك لين انقطع حسه وحسه جهلته

روعه بكل معنى!!

وتم حفظها عندي !!

[رمح الليل]

صح بدنكم الجميع
ولكم مني جزيل الشكر
على مروركمممممممم