[فيصل الرشيدي]

اعزائي رواد هذا الصرح الشامخ

يسرني ان اقدم لكم هذه القصيدة وهي للشاعر عواض بن عايض الرشيدي


امل ان تنال اعجابكم

يالله يلي من ترجاك ماخاب=يالواحد الي كل همٍ تزيله
يافارج الضيقات فكاك الأنشاب=محي العظام الهامدات النحيله
تفرج لمن همه من العام ما غاب=ما مر يومٍ هاجسه ما يجيله
قصة حياته قصةٍ ترهب ارهاب=والوقت قاسي والمشاكل حصيله
سود الليالي وقفت تطرق الباب=والحزن معها فارشٍ لي شليله
أبغضت ربعي والجماعه والأقراب=وأخذت بالوحدة ليالٍ طويله
ذقت العنا والوقت خاين ونصاب=والقلب ولّع داخله بالفتيله
نكبة زمانٍ صادفت بعض الأسباب=من وين ما مد النظر مستحيله
واخر علومي بالوناسة والأصحاب=قدام شوفة واحدٍ مهتويله
الصاحب الي صار لي سيد أحباب=لأجله تحملت الحمول الثقيله
حبه جذبني جذب دلوٍ بمجذاب=ولالي على فرقى هوى البال حيله
أزريت أسلي خاطري وأملك أعصاب=القلب كنه في يدينه يشيله
واقلبي الي صار بيدين لعاب=كورة قدم كلن يناول زميله
بين الرجا والياس والضرس والناب=مدري عنه وش مكسبه من عميله
واليا ادبرت دنياه وانصاد وانصاب=شهيد حب ومصرعه من خليله
وهذا الهوى كم دهور أحوال الأشناب=والي ربح بالحب ناسٍ قليله

الموضوع الأصلي: يالله يلي من ترجاك ماخاب | | الكاتب: فيصل الرشيدي | | المصدر: شبكة بني عبس

[مرضي الداموك]

صح لسان الشاعر عواض

ولاهنت على النقل الرائع

سلمت يا سيف عنتر

تحيتي لك

[صالح سعود]

وهذا الهوى كم دهور أحوال الأشناب
والـي ربـح بالحـب نـاسٍ قليلـه



سيف عبس


صح لسان عواض عايض


وسلمت يداك أخي على نقل القصيدة



تقبل تقديري الخالص

[الســـامري]

واقلبي الـي صـار بيديـن لعـاب
كـورة قـدم كلـن ينـاول زميلـه
بين الرجا والياس والضرس والناب
مدري عنه وش مكسبه من عميلـه
واليا ادبرت دنياه وانصاد وانصـاب
شهيد حب ومصرعـه مـن خليلـه
وهذا الهوى كم دهور أحوال الأشناب
والـي ربـح بالحـب نـاسٍ قليلـه



صح لسان الشاعر عواض بن عايض ولاهنت اخوي سيف عنتر على النقل ويعطيك الف عافيه...........



تقبل تحياتــــــــي


الســــــــــــــــــــــــــــــــــــامري

[فيصل الرشيدي]

اقتباس من مشاركة مرضي الداموك صح لسان الشاعر عواض ولاهنت على النقل الرائع سلمت يا سيف عنتر تحيتي لك

صح بدنك اخوي مرضي

ويعطيك الف عافية على المرور

تسلم يمينك

[خليف الوهيداني]

اقتباس من مشاركة سيف عنتر اعزائي رواد هذا الصرح الشامخ يسرني ان اقدم لكم هذه القصيدة وهي للشاعر عواض بن عايض الرشيدي امل ان تنال اعجابكم يالله يلي من ترجاك ماخاب=يالواحد الي كل همٍ تزيله يافارج الضيقات فكاك الأنشاب=محي العظام الهامدات النحيله تفرج لمن همه من العام ما غاب=ما مر يومٍ هاجسه ما يجيله قصة حياته قصةٍ ترهب ارهاب=والوقت قاسي والمشاكل حصيله سود الليالي وقفت تطرق الباب=والحزن معها فارشٍ لي شليله أبغضت ربعي والجماعه والأقراب=وأخذت بالوحدة ليالٍ طويله ذقت العنا والوقت خاين ونصاب=والقلب ولّع داخله بالفتيله نكبة زمانٍ صادفت بعض الأسباب=من وين ما مد النظر مستحيله واخر علومي بالوناسة والأصحاب=قدام شوفة واحدٍ مهتويله الصاحب الي صار لي سيد أحباب=لأجله تحملت الحمول الثقيله حبه جذبني جذب دلوٍ بمجذاب=ولالي على فرقى هوى البال حيله أزريت أسلي خاطري وأملك أعصاب=القلب كنه في يدينه يشيله واقلبي الي صار بيدين لعاب=كورة قدم كلن يناول زميله بين الرجا والياس والضرس والناب=مدري عنه وش مكسبه من عميله واليا ادبرت دنياه وانصاد وانصاب=شهيد حب ومصرعه من خليله وهذا الهوى كم دهور أحوال الأشناب=والي ربح بالحب ناسٍ قليله

صح لسان الشاعر عايض الرشيدي

ولاهنت ياسيف عنتر على الاختيار والنقل الرائعه


قصيده شامخه وجزله ومن راس جزل

لك احترامي

[الهنوف]

وهذا الهوى كم دهور أحوال الأشناب
والي ربـح بالحـب نـاسٍ قليلـه

صح لسانك وويعطيك العافية على النقل الرائع.....

تمنياتي لك بالتوفيق
اختك الهنوف

[غازي البراك]

صح السانك ولسان شاعرها

ختيار موفق لاهنت