[النمر1012]

بديت بسم اللي بالأرزاق كفّال
وأعوذ به من شر كل المخاليق
من بعد ذكره زان تعبير الأمثال
شاعر وأسلّي خاطري بالطواريق
بنات فكري جاوب(ن) صوت موال
إيصفقّن لشرد الأفكار تصفيق
للفتل نقاضه وللعقد حلاّل
وللشعر نقّاده وللنص تعليق
أسند على الطيّب ليا حدك الجال
عون الرفيق بيوم ينشف به الريق
دايم وبيته للمشاكيل مدهال
يضحك حجاجه للوجيه المطاليق
من طيب ساسه ما تغيّر ولا زال
عن الطّمان بعاليات الشواهيق
وألاّ الردي من عادته كثر الأقوال
ما ينفعك لا احتجت له ساعة الضّيق
ليا بخصته ما يجي ربع مثقال
قطرة ندى فوق الغصون المواريق
على الردي من حالك الليل تفصال
وألاّ على الطيّب بياض الغرانيق
عساه ما يبقى بقايا للأنذال
وألليّ بقى ماله بدنياه توفيق
ليا بلاك الله بعاقه وبطاّل
أقرب قريب وخان فيك المواثيق
أبعد وتلقى بالسعه راحة البال
الله خلق فيها وساع المناتيق
بدّل رديّ الحظ في طيّب الفال
لا تشيل هم املفق الحكي تلفيق
لا تحمّل الشّرهه على غير رجاّل
ثوب الرّدى في مثل شرواه مايليق
للطيّبه بالسّوق قيمه ودلاّل
اعرف خراجك وافرق السّوم تفريق
أودّعك عن رفقة امجمّّع المال
اللّي لغابيبه تقل جنب بطريق
أحذر تحطه ذخر في بعض الأحوال
تموت وأنت بسكرة الغبن ما تفيق
ما قل دل ويسمج الهرج لا طال
الصّمت تشفير القفول المغاليق
تمّت واصلّي كثر ما هل همّال
على نبيّ(ن) وثّق الحق توثيق



عايض الرشيدي

الموضوع الأصلي: للطيّبه بالسّوق قيمه ودلاّل اعرف خراجك وافرق السّوم تفريق | | الكاتب: النمر1012 | | المصدر: شبكة بني عبس

[سلمان الزبني]

مشكور اخوي نمر على الابيات

[النمر1012]

الله يسلمك وعافيك ياخوي سلمان ومشكورعلي المرورررررررررررررررررررررررر

[نواف المثني]

قصيده من انوع الفريد
صح الساااانك ياشاعرنا
وتقبل مرووووووووووووووووووووري

[العبسي الغامض]

وألاّ الردي من عادته كثر الأقوال
ما ينفعك لا احتجت له ساعة الضّيق


يعطيك العافيه

[سالم الرشيدي]

صح السأنه واع ـتلا
شأنه
تسلم على النقل الذوق ولاهنتـ

[النمر1012]

صح بدنكم والله يسلمكم وعافيكم ومشكورين علي المروررررررررررررررررررررررررررررررالجميع