[النمر1012]

لا والله الاّ راحت بقلبي جهار من النهار
وأنا إذا واحد سألني قلت تكرم عينها
ماهو ماغير القلب لا والله تفداهاالعَمَار
الدرّة اللي ما خلق زينٍ يشابه زينها
إن جيت أوصّفها يصيب الشّعر وقفة واحتيار
لو قلت ما جاء مثلها في الكون أخاف أهينها
شمس الضحى تغار منها والقمر منها يغار
والأرض تقلب ورد عنّابي تحت رجلينها
حبيتهاحبّ الغريب اللي تشوّق للديار
يذكر دياره ثمّ سالت دمعته من حينها
حبيتها لو أدري إن الحبّ للعاشق دمار
ذوقي وتفكيري وعقلي كلّهم هاوينها
لو قالت اليسرى يمين وقالت اليمنى يسار
أقول كيفك يا حياتي زيّ ماتبغينها
من حبّها جت في خلايا المخّ يعني باختصار
أشوفها حتى إذا صلّيت ينصر دينها
وإذا لبست الثوب أصكّ زرار وأخلّي زرار
وألبس شماغي وأنشد أصحابي شماغي وينها
صبرت وانّ الصبر نارإشتقت وإن الشوق نار
حالت سلوم البدو من بين الوصال وبينها
عشرين عام من الوصال ولا نهارين إنتظار
الأولة يا زينها و الثانية ياشينها
البعد عن من تعشقه موتٍ حمر والموت حار
الله يوم أذكر دموووع الشوق مع خدّينها
من دونها ما كنّي الاّ عايشٍ في قندهار
روحي مهدّدهاالخطر في يسارهاويمينها
أحيان أقول آبو حياتي مالي الاّ الإنتحار
واحيان أقول العافية والعافية يازينها
شوفوا لنا حاجة تغيّب بالعقل غيرالسّكار
ودّي يغيَّب بي ولا اصحى غير بين يدينها



وصل العطياني

الموضوع الأصلي: حاجه تغيب العقل غير السكار | | الكاتب: النمر1012 | | المصدر: شبكة بني عبس

[ملهمة شآآعر]

الله الله الله //

لله درك على هالقصيـــده يالنمــر ،،،

تسلم يمينــك يالغــــلآآ...


ودي وتحيتـــي &&

[ذبحني غروركـ]

صح لساااااااااااااااااااانك

[النمر1012]

الله يسلمكم ويعافيكم ومشكورين علي المرور

[عاشق الصحراء]

صح لسان شاعرها وشكرا على النقل الرائع ودمت بووود

[النمر1012]

الله يسلمك اخوي ومشكور علي المرور