[عويض بن شامان بن خلف]

اخر محاوره بين الشاعرين / ناصر بن مرسال الرشيدي والشاعر /المرحوم عبدالله العيرالمطيري

في منطقة حائل قبل وفاته بعدة ايام وايليكم هذه المحاوره ؛؛؛؛


ناصر مرسال

يامرحبا في محل محققين الطموح** العزوه اللى مثل شمس الضحى صيتها

من خلقت الله لبونا آدم وحواء ونوح** ناطاء على الارض لو ظاقت عفاريتها

عبدالله العير

الله يبارك بناسٍ يكسبون المدوح** اللى دعتني على الحفله ولبيتها

اليا تحيزمت بم حزام ماانت بشحوح** ان ما تغدتك ياناصر تغديتها

ناصر مرسال

جعل البقاء بالنشامى من ضميرٍ نصوح**وانته علومك تخش الاذن واوحيتها

المزن خيّل من المنشاء وبرقه يلوح** اسلم وسلم على اهل المهد لا جيتها

عبد الله العير

سيفٍ ماهوسيف عنتر لا تعده ذبوح** وانته تبي ذبحت المسلم وغريتها

ويش انت لا قي مع أهل المهد حتى تروح** أبلشت الاجوا د ياناصر وبذيتها

ناصر مرسال

مالك عن السيف الاجرد لو طلعت الصطوح** في ليلتن لونها اسود والقمرليتها

انته تريد الخبر من جد ولامزوح** لا تلومني لوعليك اسراري اخفيتها

عبد الله العير

الليله انته من الامثال صدرك يفوح**لاكنﱢ لاشفت لك حيه تمثنيتها

لاون كشف السراير منه تبراء الجروح** ابديت الا سرار بالشاشه وغنيتها

ناصر مرسال

البحر مالح لاكنّك ماتذوق الملوح** ياللي حبالك بوسط البحر مديتها

ماودنا يالمطيري بالسراير نبوح** ون كان حديتني بالا سم سميتها

عبد الله العير

لاوالله الا بلاك الله بعيرٍ رموح** قدام خشمك ليا منك تحريتها

ماني بغابطك يا ناصر بديس المسوح** أ نا تمنحتها قدمك وفكيتها

ناصر مرسال

لابارك الله في رجل ا لحصان الجموح** يالله وبالله با لمشعاب صديتها

اثريك عايش مع أهل القات وأهل اللحوح** يامجاور العنكبوت اللى بنت بيتها

عبدالله العير

ماكل را سٍ طلعله قرن يصبح نطوح** وا نته بغت تطلع اقرونك وثنيتها

ماني بذيبٍ ليا قوطر يهاب السروح** إن ما تعشيت راعيها تعشيتها

ناصر مرسال

جدتك ماتت شهيده وا نت مالك قروح** والميته لوتلم امطير محييتها

مانته محصل غابوق ولامحصل صبوح** مافي يدك غير صبرتها وحلتيتها

عبد الله العير

ماني مقابل قبور العجز ا صّيح وا نوح** ان كان ماهي على دربي تعديتها

الموضوع الأصلي: ناصرمرسال وعبدالله العير | | الكاتب: عويض بن شامان بن خلف | | المصدر: شبكة بني عبس

[المحامي خالد]

مشرفنا الغالي عويض بن شامان بيض الله وجهك على هالمشاركة الجزله والجميله وهي محاورة الشاعر المرحوم عبدالله العير والشاعر ناصرمرسال اطال الله في عمره
لك اجمل تحياتي

[ناصر الخياري]

لاهنت يابن خلف ..
تسلم اناملكـــ ...

[عويض بن شامان بن خلف]

اقتباس من مشاركة المحامي خالد مشرفنا الغالي عويض بن شامان بيض الله وجهك على هالمشاركة الجزله والجميله وهي محاورة الشاعر المرحوم عبدالله العير والشاعر ناصرمرسال اطال الله في عمره لك اجمل تحياتي

شرفتني بمرورك
الجميل دمت بعز

[عويض بن شامان بن خلف]

اقتباس من مشاركة ناصر الخياري لاهنت يابن خلف .. تسلم اناملكـــ ...

العفو
شرفتني بمرورك
لاهنت ودمت

[جحدر]

الله يرحم العير ويطول بعمر ابن مرسال

[بندر بن متعب]

بيض الله وجهك ياعويض ....