[ابو بيان]

عبدالله الميزاني :





يامرحبا ترحيب ماقبله يشوف اللـي وراه
في واجب المطران والمطران ربعي وأهلي
جونا ثنين اخوان مسترين من حد السـراه
واحد يسمى شافعي لكـن الآخـر حنبلـي






حبيّب :




دام البقاء باللي تراحيبه تكفي عن عشـاه
وانا عتيبي قسمي النخوة وحظي معتلـي
جاكم ثنين وكل واحد فالطلب يرفع عصاه
لكن خلك عبدلي ثم زيـد خلـه عبدلـي






عبدالله الميزاني :




مااقول غير الله يبارك فـي بناخينـا هـذاه
لكن عـداد الزمـان يعـدّ لـه ويعـدّ لـي
سميت زيد العبدلي يالعازمي وأنتـه كمـاه
والليله الضميان يشرب من تحت نضح الدلي






حبيّب :



يارب خالي دام خالي حـي لاتخلـي يـداه
ماني مجنب عنه لو انه يهـج مـع الخلـي
الرجل يعفى من خطا غيره وينشد عن خطاه
ماقلت لك تضرب بعمرك وسط ناراً تصطلي






عبدالله الميزاني :




جريت لك صوتي على راس الجبل ماقلت هاه
وآثرك ماودك تروح .. من الحلي تاخذ حلـي
اللي مايعرف ويش له يمكن مايعرف وش علاه
كم واحداً يغتبّ في علمـي علشـان أجهلـي





حبيّب :




الجوهرة في بطن داب وساكناً تحت الصفـاه
تقول انا بقره علاه ورحت تذبـح لـه طلـي
بعض الجهل يدخل مع الرجّال حتى في الصلاه
ياللي تدور سر عرش الجن فـي ديـرة بلـي






عبدالله الميزاني :




انت انصلخت من الحياء والا انصلخت من الحياه
الظاهر انـك فـالاذان تقـول سيـد الله علـي
خلك معي قبل اعرض الحجة على سبع القضـاه
والمعتبر مـن يعتبـر فيمـا يلـي ممـا يلـي







حبيّب :




المشرك اللي دور كتاب الشياطيـن وقـراه
ثم قال ياماشاء الله اعيوني تضيق وتمتلـي
اللي عصاك امزح معه واللي يطيع العن ثواه
العكس ضد العكس لينـن الغمامـه تنجلـي




عبدالله الميزاني :


انا بري منك وانتـه مامعـك منـي بـراه
بس الولي الله ولاغيـر الله الوالـي ولـي
العازمي قصّر مشاويره علشـان اقصـراه
وأنا ليا جيت أزعل النجدي يضيق الساحلي




حبيّب :



يالربع حلوا مشكلتنا لانعكس الاتجاه
خالي بلاه الله وأنا طبعاً بخالي مبتلي






منقول وتقبلو تحياتي اخوكم ومحبكم ابو بيان

الموضوع الأصلي: الشاعر حبيب العازمي والشاعر عبدالله الميزاني | | الكاتب: ابو بيان | | المصدر: شبكة بني عبس

[صقر ابن عبس]

مشكور ابوبيان على النقل
تسلم يديك

شعراء مبدعين

لكن حبيب غير

( تقول انا بقره علاه ورحت تذبح له طلي )

مطب على مستوى ياحبيب

تقبل مروري

[مرشدالمظيبري]

مشكور ابوبيان على النقل
تسلم يديك

شعراء مبدعين

[بدر حيي]

مشكور اخوووووي ابوبيان على النقل

[الحر النداوي]

تسلم تسلم ياابوبيان

شعراء مبدعين واساتذه

[ناصر الخياري]

ابو بيان عاش ..
تسلم اناملك يامبدع لاتحرمنا جديد جعبتك ..
لك خالص ودي واحترامي,.

[مشعل الخياري]

مشكور أخوي علي النقل

[(فارس الرشيدي)]

مشكور أخوي علي النقل