[بشير الزبني]

صلوا على النبي

النافر اللي عليها وقفت عيني = راحت وأنا اقول يعني : مالها خاطر
قامت تحد الغلابا والمساكيني = للضيق والهجره جمره والوفاء ماطر
لكنها عودت للوصل تدعيني = فجأة كذا قبل لا ادعيها من الخاطر
لو إن مال الطموح إلا العناويني = والعقل يادوب يدرك غلطة الشاطر
هنفاً تساقى غلاها مع شراييني = فيها من الحسن ماخلاني أخاطر
ماكنها إلا من النوق المزاييني = وضحاً خذت من وصايف ذود ابن ماطر
اللي لياطبت كبار المياديني = قامت تباها من البكره إلى الفاطر
طوال الغوارب مفاجيج العرانيني = ياما تميل الحروف لمجدها العاطر
نوادرٍ كم حاشت من ملاييني = لها من الفخر تاج ومجدٍ مساطر
منقية اللي تصاغ ابه المضاميني = ويقفاه حبة خشم لــ سعود ابن ماطر

الموضوع الأصلي: ذود أبن ماطـــــــــــــــــــــر | | الكاتب: بشير الزبني | | المصدر: شبكة بني عبس

[عادل العويمري]

صح لسانك وبيض الله وجهك
ويستاهل الماطر
وننتظر جديدك

[شداد المظيبري]

صح لسانك

قصيده رائعه وجيده

يستاهل بيض الله وجهك

[خلف العايضي]

الله اكبر
الله اكبر
الله اكبر

صح السانك وسلم بنانك
قصيده قمه في التوصيف وبيض الله وجهك ياخال على هذه الجزاله الغير مستغربه علي بشير الزبــــني

[سيف المهيمزي]

صــح لسانـــك على هذه القصيده الجزله

[كاتب الرشيدي]

صح لسانك ولاهنت الله يعطيك العافية







تحياتي

[بشير الزبني]

اقتباس من مشاركة عادل العويمري صح لسانك وبيض الله وجهك ويستاهل الماطر وننتظر جديدك

صح بدنك

شاكر مرورك ياعادل

تحياتي

[بشير الزبني]

اقتباس من مشاركة شداد المظيبري صح لسانك قصيده رائعه وجيده يستاهل بيض الله وجهك

صح بدنك

وابن ماطر يستاهل كل علم غانم

تحياتي لك