[هداج]

يابايـع الدخـان لاهنـت دخــان

عطني مرض روحي وعطني طبيبي



عطني صحيبي قلّه القلب حمسـان

يابايـع الدخـان هـذا صحيـبـي



شربه ينومسني ليا صرت عمسـان

يازين كرزه فـوق طبلـون جيبـي



لامن شربته مـودع الهـم طربـان

والشاي جبته واعتـذرت الحليبـي



الشـاي والدخـان وسعـود خـلاّن

واللي جمعهم مر وقـت ٍ صعيبـي



وقت ٍ علي جاير واذا زان لي شان

لين اصبح المحبوب عني غريبـي



ليته حرمنـي كـل مابيـه شفقـان

بس اني اضمن منحرم من حبيبـي



حبيبي اللي غـاب عنـي ولا بـان

ليتـه درا عـن حالتـي بالمغيبـي



راح وتركني في دجا الليل سهـران

اسهر وموق العين لاجلـه سكيبـي



اقفا وانا عقبه على الفرش مرضان

والجرح أيّس من علاجـه طبيبـي



ماحسّب احساب الجفا نجل الاعيان

ولاحسـب قلـب ٍ غدالـه نحيبـي



ولا حسب حال ٍ جذوب ٍ للاحـزان

وجوف ٍ يلوفه لوف حـرّ اللهيبـي



ويله من اللي خابـر ٍ كـل ماكـان

رب ٍ على دعـوة عبيـده يجيبـي



ويابايـع الدخـان لاهنـت دخـان

بشرب وراعـي نجمتـي للمغيبـي


وســلامـــتـــكـــم





الشاعر / سعود رتيبان الجويّر

وتقبلوا تحيات

هدااااااااااااااااااااااااااااااااااااج

الموضوع الأصلي: قصيده الــــــــــــــــى جميع المدخنين. | | الكاتب: هداج | | المصدر: شبكة بني عبس

[عبدالعزيز الخياري]

هــداج

صح لسانك

وصح لسان الشاعر سعود رتيبان


وانا اعتبر هذه القصيده رساله إلى كل مدخن

والله يعصم المدخنين عن الدخان

اشكرك على حسن الاختيار والنقل

تقبل تحياتي

[صالح سعود]

هداج


بالفعل رسالة


ولكن اين هي الاذن الواعية


تقبل تقديري الخالص

[ابوعبدالله الشويلعي]

صح لسان الشاعر سعود

ومشكوووور اخوي الغالي على هالقصيده والتي بمثابة النصيحة








تقبلوا تحياتي أبو عبدالله الشويلعي

[سعد الشقل]

صح اللسانك اخوي علىى القصيده الرائعه

ومثل ما قال اخوي صالح سعود اين الاذن الواعيه


الانسان ما يحس لين ينقرص


تسلم يمناك علىى هالقصيده

[ابواثنين]

صح لسانك

وصح لسان الشاعر سعود رتيبان


وانا اعتبر هذه القصيده رساله إلى كل مدخن

والله يعصم المدخنين عن الدخان

اشكرك على حسن الاختيار والنقل

[هداج]

اقتباس من مشاركة عبدالعزيز الخياري هــداج صح لسانك وصح لسان الشاعر سعود رتيبان وانا اعتبر هذه القصيده رساله إلى كل مدخن والله يعصم المدخنين عن الدخان اشكرك على حسن الاختيار والنقل تقبل تحياتي

مشرفنا القدير

حياك الله

اسعدني مرورك

والله يعصم المدخنين عن الدخان

آآآآآآآآآآآآآآآآآآآآآآآآآآمين

تحياتي

[هداج]

اقتباس من مشاركة صالح سعود هداج بالفعل رسالة ولكن اين هي الاذن الواعية تقبل تقديري الخالص

حياك الله

اسعدني مرورك

والله يعصم المدخنين عن الدخان

آآآآآآآآآآآآآآآآآآآآآآآآآآمين

تحياتي