[عبيد الله دعيع]

بسم الله الرحمن الرحيم
السلام عليكم ورحمة الله وبركاته
أحبتي في الله بهذا المنتدى الشامخ أضع بين يديكم. هذه الغيره على الدين والوطن وعلى المسلم عامة

أرجو أن تنول على ولو جزء بسيط من كرم ذائقتكم الرفيعة

هذه ثورة بركان ثاير..من غضب قلب شاعر..

يفدي دينه ثم مليكه ووطنه بروحه وماله وولده
ضد من تسوّل له نفسه بالمساس بتراب هذا الوطن الطَّاهر. ومقدساته وممتلكاته وشعبه المسلم الوفيّ.

وأقوللا لا اللأرهاب

هيه يالأرهاب ياللي تريدون الشرور=نهجكم نهج الخوارج لنا الدين أذكره
المشاكل ماتجي غير من رجل مغرور=غرّه الشيطان وإبليس واقف بنحره
نعرف ان الثور ثورٍ وجا من صلب ثور=وكل ثورٍ مايجي غير من بطن بقره
البهيمه لو تروح وتجي وإلاَّتدور=مالها عقلٍ لو أعيونها بك مبصره
وانت عقلك تنقله مير مختل الشعور=نفخ راسك بالطغا مثل لستك بأكفره
تزرع الفتنه بالإسلام زرعك للبذور=والندامه هو حصادك بزرعٍ يبذره
ناقصٍ بالعقل وأعماء تحسب الناس عور=التغطرس فيك والكبر بك والمصخره
ياردي الفعل بالفعل يوجد بك فتور=الردى بك والوفاء مالقي فيك شعره
تقتل المسلم وتمشي بدمَّه يالكفور=فعلك المخزي نشرنا ه ناظر بصوره
ماسلم بيت الله اللي لزواره طهور=سيف حقدك قدم وجه المصلي تشهره
تقتل المسلم الياجا لبيت الله يزور=داخل المسجد وتبغا من الله مغفره
أنتم أعدى الدين للدين مافيكم غيور=ياخنازير الظلاله عقول محجره
راسكم هو راس الأرهاب في كرت العبور=حقدكم للمملكه راسكم فيه نعره
أنتم أهل الفتنه اللي لياماتت تثور=مأنتم أهل الميمنه وأنتم أهل الميسره
من تعدى للحمى وأقتحم بالظلم سور=قص راسه والقطنَّه كلاب المجعره
الشريعة سيفها سل للظالم يجور=من يخون الدين سيف العداله يجزره
من يجي في وجه آل سعود وافين الشبور=طيَّرو بالسيف راسه طياران وبره
سيدي نايف مع أحمد حرارٍ من صقور=هم حماة الدين والحق ربي ينصره
مع رجال الأمن والشعب في وجهه يثور=قوةٍ تردع عدو البلاد وتدمره
أيه حنَّا الأمن أسود المعارك والنمور=أن بغينا راسك أنشيل روحه وبصره
أنتبه يخالي العقل والدنياء تدور=لا تجي في وجه الأبطال عمرك تخسره
أعتدل عن منهجٍ فيه ظلم وفيه جور=جاك علمٍ فيه صدق ونصيحة وثمره
الجهل كلَّه ظلامٍ وكل العلم نور=والقناعه كنز لو مسكنك ظل أشجره
ياسحاب الشعر خلك على راسه دبور=بأسم رب الكون وآيات ربي نحشره
لين دمَّه من سناء النار في جسمه يفور=ينتحر ويموت مايندفن بالمقبره
جثته ترمى على الأرض تاكلها النسور=النجاسه فيه من بين بطنه وظهره
وآخر اللي قلت يالله تغفرياغفور=تغفر أذنوبي قبل موتنا والغرغره
تمت أبيوت القصيده سلامٍ بالزهور=للرسول أزكاء صلاةٍ بمسك وعنبره

تقبلو فائق التحية/ عبيد الله دعيع( الخيَّال )

الموضوع الأصلي: لا.لا.للأرهـــــــــــــــــــــــــــــــــــــاب | | الكاتب: عبيد الله دعيع | | المصدر: شبكة بني عبس

[(ابوعواض)]

صح الله لسآنه هنآآ موآقف الشعر


في نبذ الارهاب


بآرك الله فيك ولاهنت ع
نقلهآآ

[عبيد الله دعيع]

اقتباس من مشاركة abo_awad صح الله لسآنه هنآآ موآقف الشعر في نبذ الارهاب بآرك الله فيك ولاهنت ع نقلهآآ

صح الله بدنك يابو عواااااد ....والقصيدة ليست منقوله بل من شعري الله يعطيك الف عافية