[النمر1012]

السلام عليكم ورحمه الله وبركاته
هذي اول مشاركه اللي بالموا ضيع قصيده اعجبتني الشاعر عيد سمران ورد الشاعره عليه وهذه القصيده

الا ياحر قلبي حرتن طـول العمـر ماتطيـب
على اللي صد عنـي يـوم ولعنـي وخلانـي
خذا قلبي وخلانـي وقفـا والفـراق اصعيـب
وانا عيني تهل دموعها مـن فـوق الاوجانـي
عقب ماهو يبادلن المشاعر صايرن بـه ريـب
يقول تبيعني في صحبتك في بخـس الاثمانـي
مايـدري انـه الاول ولاقبلـه فـي الترتيـب
مكانه بالصـداره بيـن قاصيهـم مـع الدانـي
له بقلبي مكانه لـو نجـوم الكـون ذي تغيـب
حشا ماتغيب دام الدم يجـري وسـط شريانـي
على حبه نجوم الليل تشهـد بالوفـا والطيـب
ويشهـد قلبـي اللـي كـل ماغفيـت ناجانـي
الاياوجد وجدي من فراق جـاب لـي الشيـب
على اللي حبها باقصى الضماير زعزع اركاني
وانا لـو ابتـداوا مايفيـد الطـب والتطبيـب
يحير ابها الاخصائي لامنـه شـاف وجدانـي
آهيم بحبهـا والنـاس ماتـدري بعلـم الغيـب
وانا منها غديـت بحالتـن ماتسـر صدقانـي
غديت بآهة التوديـع اصـارع آهـة التأنيـب
عقب وصل الليالي صرت مبعد برا الاوطانـي
وبلاي الى حكو باكر وقيل الذيب ماهـو ذيـب
لو انه ذيب مامـات بهواهـا الذيـب جيعانـي
وانا مارضى ياغير انه على وضح النقا التقريب
مابي فيها دسايـس يشمتـون فـلان وفلانـي
ابيهـا لالفيـت تعانقـن بعبـارة الترحـيـب
مابيها تصد عمن في هواهـا صـار كمدانـي
امانه كان مت بسبتـه ابـي النصايـب طيـب
الاولى عود كمبودي والاخرى عـود ريحانـي
ابي لاشموا الاطيـاب يتـراووه قـوم عريـب
يقولون اييييه ذاك القبر قبر ل(عيـد سمرانـي)
وابا فوق النصايب يكتبـون لزمـرة التكذيـب
هنا كل الدلايـل ذي نصايـب عاشـق فانـي
توفى سبة اللـي فـي غرامـه زادت التعذيـب
وشنت حملتـن ياليـن قلبـه صـار سمدانـي
عداها صرت ماعرف سكة التشريق والتغريب
بعينـي سكتـن هـي يالهـا يامالهـا ثـانـي
لو يقال الجهات اربع اقـول اول بعلـم الغيـب
لاشك اليوم مابـه غيرهـا جهـه بالاعيانـي
هي بعيني جميع اصل الجهات وغيرها ماليـب
ابد من غيرها مابـه جهـات بكـل الازمانـي


ــــــــــــــــــــــــــــــــــــــــــــــــــ ـ

هنا كان لشاعره قديره رمزت لنفسها ((بالرومنسيه المبرقعه)) هذا الرد:-





هلا باللي نضم قافه على مبدا الوفا والطيـب
نسج فيها هموما هيضـت بالشعـر وجدانـي
ترى حالك مثل حالي همومي شيبتنـي شيـب
بسبة شخص جاهل جابه الله وسـط ميدانـي
لعب في داخل أعماقي وصوبني بلا تصويـب
سرى بالدم حبه وأغتذى مـن كـل شريانـي
يقربني ويبعدني وكنـي فـي حكـم تعذيـب
وأشوف الموت لامني فقدت الصوت ماجانـي
يعرف أني بلا صوته أعيش بعالـم التغريـب
ويدري كـم أحبـه! فـوق هـذا ويتحدانـي
أنا ياصاحبي حالي مثل حالك غـدى تأنيـب
بوسط الحلم عايش حالتي ماتسـر صدقانـي
أنا في حبهم شاري ولاأمشي في مماشى العيب
أداري هرجة تفتـح علـى :العـذال بيبانـي
أنا مابي سوى قربه وعهدن منه مهما يغيـب
يعاهدني على وضح النقـا مايـوم يجفانـي_
أحبه حـب ماينفـع معـه طبـن ولاتطبيـب
وأنا أدري ماورى عشقة حياتن والعمر فانـي
من أسباب الهوى صرنا ضحايا للولع ياذيـب
على كيف القدر نمشي وتهنا طول الأزمانـي
تسير ابنا الظروف وتاخد من أيامنا وتجيـب
وتحصد من سنين العمر ماتعطي عمر ثانـي
ألاياصاحب القيفان جددت الجـروح الشيـب
وهيضت الجروح اللي بقلبـي منـك يافلانـي
توجد من هوى بنت غدى حالك معاها اصعيب
وعيب الحر الأشهب لانثر دمعـه بالأعيانـي
عهدتك تخطف الصيده وتدميها بشق الجيـب
ولاظن العتب يكفي مادام أن الهـوى جانـي
نصيحه لاتعـذب قلبهـا وأن كانهـا بتغيـب
تناسى ماجرى منها وعيـش بعالمـا ثانـي



عيد سمران

الموضوع الأصلي: قصيده اعجبتني | | الكاتب: النمر1012 | | المصدر: شبكة بني عبس

[النمر1012]

صح بندنك اختي الهلاليه مشكوره علي المرور