[عيد بن عبيد]

قصيدة تطرق بها الشاعر الي مواضيع مختلفه تروي حقائق لم يطويها الزمن وابدع الشاعر في صياغة المعنى بشكل متسلسل . وحملت بطياتها صور في غاية الجمال
من جديد الشاعر بادي بن مرزوق يهدي دره ثمينة لاعضاء وزوار شبكة عبس
يسعدني ان انقلها لكم وامل ان تحوز على رضائكم .

حقـــــــايق

يفوح الصبر من صــدر الحلـــيم ويستبيح أسـرار=مهـــاديف الضلوع اللي لهيب الغيـض موجـــعها
تسوقه بعض موجات الغضب ومصــارع الأفــكار=براكـين الغضـــب لا بيض الله وجـــــه زارعــــها
شعوبٍ ساكـــنه في جوف وادٍ ما عليه غـــــــــبار=أنا مـا أدري وش اللي دكــها وأيقــض مضاجعها
ألاحــظ كل سكــــان المحــــيط بحـــالة استنـــــفار=تخاف البحــر يغمـــر جزرهــا والمــــــوج يبلعها
تهز الريــح خيــــــمة عرشـــــها واقول ياســــتار=كفيـــنا شــر ريحٍ حـــرك الواقـــع مطـــــــامــعها
أسكنــــــــها واهدي وضـــعها مــــا كن شيٍ صـار=ولكن ترهـــق أبواب المخــــارج في تدافـــــــعها
القنـــها كــــلام الواحـــــد اللي يعـــــلم الأســــرار=أطبعـــها الصـــبر ياحـــي والله من يطــــــــــبعها
أذكرهــــا حديث المصـــــطفى واكبــح جماح الثار=أهدي روعـــــها واوجـــد عــذر للي مروعــــــها
ضعيفٍ جاهـــــلٍ مســكين غرربه غــبي ثرثــــــار=غشـــيمٍ ما يفـــرق بين شــــــاريها وبايعــــــــــها
سحابة وســـــم منبـــعـها الحجـــــاز ورحبي يادار=نبع ينـــبوع زمـــزم بين كاحـــــــلها واصــــابعها
ســـــلام الله على اولها صـــلاة الله على المــختار=رضى الله عن صحـــابته الكـــــــرام وحي تابعها
سحــــابة جـــود من جــود الإله الواحــد القــــهار=نشت مــنها مزونٍ عـمت العــــــالم منافــــــــعها
على نصف البـــــلاد اليعربيــــة وبلها مــــــــدرار=تفرقـــها الســنين الغـــبر والمنشـــــأ يجمـــــعها
تجوب البر والبــــحر العمــــيق وتســـكن الأقطـار=تشـــم النود لا هـــبت من الغــــربي ذعـــــاذعها
حقـــايق يامـــــدور للحـــقايق والقصـــيد إخــــبار=مسامــعك الكــريمة لاصــدق المنظــــوم شرعها
سفينة نوح ســـــارت واســتقرت واســـتمع ياجار=على الجـــــودي رست ما كل عاصوفٍ يزعزعها
لها حبلٍ متين وســـــارية مـــنها الجــــبال تغـــــار=على قـــمة ســــــنام المجــد تفـــخر في تربعـــها
عظيـــمة ياعظــــيمة ما بقــيتي والكـــــبار كــــبار=تباهين النجـــــــوم اللي تعـــلت في مــواقعــــــها
أنا ما ني مــثل من يبني أمــــجاده بزيف إشـــــعار=أنا أســوق الحـــــــقايق وأمــر التــاريخ يطبــعها
أنا من لابةٍ يشهــــد لها التــــاريخ من ذي قـــــــار=سلايل عــبس لا من اللـــــيالي شـــان طــالـــعها
لنا مجــــدٍ تليدٍ من زمــــان الفــــارس المــــــغوار=ولنا مجـــدٍ جــــديد وصـــــــفحة الــتاريخ طالعها
حميـــنا العرب في وادٍ تدافع صــــوبه الأخــــــطار=حميـــناهم تحت ظــل القــبيلة وادخــــلوا معــــها
ياوادي عثبرة خـــبر قليل العرف باللي صـــــــــار=على شــأن الذي ما يســـمع الأحـــداث يسمــــعها
تدور الشمـــس من حول البسـيطة والزمان أدوار=يســر أقــوام وقتٍ يــنذر أقــوام بمصــــارعـــــها
إذا طــــار العقاب وحــــام تمنع هدت الأحــــــــرار=تبرقــــع لا تشــــوف الحـــوم وتجـود براقــــــعها
وإذا عسعس ظــــلام اللـــيل يبدأ للصــباح اسفـار=تعـــود ألنا الحـــياة وينشد العصــفور مطلــــــعها
يفك أســـر الدخــيل اللي تعلى في غصون اشجـار=عرف قيــمة علو أغصــونها وقــدر تبرعـــــــــها
يعود ألـها قبل لا يحــــــجبه من يحــجب الأبصــار=وإذا شاهد عمـــود الصــــــبح بامكــانه يوادعـها
كذا طبع الزمــن ياصــــاحبي دام الزمــــــــن دوار=إذا كــان الليالي ما مشت لك بالرســــن طـــــــعها

الشاعـر الإستاذ / بادي مرزوق الرشيدي

الموضوع الأصلي: حقايق للشاعر الاستاذ بادي بن مرزوق | | الكاتب: عيد بن عبيد | | المصدر: شبكة بني عبس

[مروان الرشيدي]

كذا طبع الزمـن ياصاحبـي دام الزمـن دوار

إذا كان الليالي ما مشت لك بالرسـن طعهـا

صح لساان شاعرها


ولا كن ياأخوان لا تستعجلون على تثبيت القصيده خلوا الأعضاء يشوفنها أكثر من مره وبعدين ثبتوها


لان معظم الزوار والأعضاء اول مايدخل يشووف اول موضوع وما ينتبه للمثبت


قصيده رائعه من شاعر جزل

وتسلم يدك ياناقلها

"
"
تحياتي