[النمر1012]

غني بربّي و الدعاء و الرفاقه
و قرم و ليا جت للقصايد مفوّه
بحرٍ تباعد غبّته عن زراقه
لأهل الغثا طيشه و لله هدوّه
ان زان وقتي خذت لذّة فواقه
و لوّه يشين يشين عادي و لوّه
بنكي رياجيل الشرف و البطاقه
جمايلي و أسمي و أكبر المروّه
من لابةٍ في ثقل أهلها محاقه
فعيونها كثر الاوادم يشوّه
الأكرمين أهل العقل والحماقه
الجيّدين مزبّنين الجلوّه
هاذي فقط نبذه عن أهل العراقه
والسامي أيرجّح كلامه سموّه
عن أفتعالات الغضب والطفاقه
وعن المليىء اليا تبيّن خلوّه
حبّيت أبينلّك أصول اللباقه
مع واحدن غيثه يساابقه نوّه
وألاّ أنت كامل لاكن أن فيك عاقه
ينقص برستجيك شويّة جروّه
يمغيّرن فعيوني أصل العلاقه
تخيّلو عدو يعشق عدوّه
لازمتني بحلا الدلع والشفاقه
وأدخلتني في حلم عمرك وجوّه
وحببتني في شي أسمه صداقه
وكرّهتني في شي أسمه أخوّه
ولفتني باو الغنج ولف ناقه
وأنا ولفتك ولف حاتم لضوّه
ولو نختلف بشيا الغضب والرواقه
مانيب قايل ماتسوّيه سوّه
ركّز معي ؟ للريح طلاّااق ساقه
وللشين شينن لانصا مايموّه
يعلم بئن حلم الكسول اللياقه
ويعلم بئن حلم العقيم الأبوّه
ويعرف متى نضج الورق وأحتراقه
خبير في الاحياء ماهوب توّه
ثورته لاجت تشعل ألفين طاقه
ماهيب شبّة قاز في جمر دوّه
منتب غبي جدّاا بلفظ الرشاقه
وأنا ذكي جدّاا وحبّيت أنوّه؟
ان جيتني جيتك على كل فاقه
وان رحت ابلعن خير وقتي و سوهّ
لأنّك تنفّس الحشا وأختناقه
ياكل شبحي ياقصاه ودنوّه
يابو الحلا وابو الغلا والذواقه
سرايرك من له وحكيك نبوهّ
روحك وقلبي لو بحلل وثاقه
مربوطتن في بعض هيّّا وهوّه
فن غبت يانفر العقل وأشتياقه
مانيب راغب بعد خوّتك خوّه
ببكي على زولٍ عشقته عشاقه
وترى البكى للأقويا زود قوّه
فن شفت أبن علوش يبكي فراقه؟
ترى أنحدارات الجبل من علوّه

الموضوع الأصلي: سعد بن علوش | | الكاتب: النمر1012 | | المصدر: شبكة بني عبس

[ذبحني غروركـ]

يابو الحلا وابو الغلا والذواقه
سرايرك من له وحكيك نبوهّ
روحك وقلبي لو بحلل وثاقه
مربوطتن في بعض هيّّا وهوّه
فن غبت يانفر العقل وأشتياقه
مانيب راغب بعد خوّتك خوّه
ببكي على زولٍ عشقته عشاقه
وترى البكى للأقويا زود قوّه
فن شفت أبن علوش يبكي فراقه؟
ترى أنحدارات الجبل من علوّه

صح لساااااااااااااانك ياااابن علووووووووووووووووش
ولسان نااقلها

[النمر1012]

صح بدنك ذبحني غروك وشرفني مرورك