ضــع اعــلانك هنا

حب الغموض

اخواني واخواتي انقل لكم قصيده للشاعر عبدالله سبيل فحل شعر النبط وشاعر الغزل الاول انقلها لكم وعساء ان تنال اعجابكم

ياعين وين أحبابك اللـي توديـن اللي إلى طاب الوطن ربعـوا بـه
أهل البيوت اللي على الجو طوفين عـد ٍ خـلا ماكنهـم وقفـوا بـه
منزالهم تـذري عليـه المعاطيـن تذري عليه امن الـذواري هبوبـه
عهدي بهم باقي من السبع ثنتيـن قبل الشاء والقيـظ زل امحسوبـه
قلت جهامتهم مـن الجـو قسميـن الزمل حدر والظعـن سنـدوا بـه
يبون مصفار ٍ من النيـر ويميـن الله لايجـزي طـروش ٍ حكبـوبه
قالوا من الوسمي نباته إلى الحيـن ومن تالي الكنـه تملـت دعوبـه
شيالة الكايد على العسـر والليـن والى وطاهم موجب ٍ رحبـوا بـه
زاد الصيف معهم بليـا مواعيـن وان شافو الضيف المطرق عدوا به
والى تريض يذبحـون الخرافيـن ومن زاد بيت الله تفرش عصوبـه
والى عطوا يعطون روس البعارين وان فات منهم شي مـا حسبوابـه
ماهم بربـع بالمحاضـر قصييـن لو الحصيـل حمـار تخاشروابـه
يذبون مـال فاختتـه الحواريـن يشدي تراطين الدول يـوم جوبـه
والى تعلوا فـوق مثـل الشياهيـن صاروا علىبعض القبائل عقوبـه
لا تلها الراكب غدا الحبل ثنويـن مثل المعشر راسهـا عنـد ثوبـه
عقب النكايف كنهـن السراجيـن ماقيل يسعل قينهـا واضـروا بـه
وإن قيل عند اقطيهم ياهل الديـن فالمرمس اللي من قديـم ادعوابـه
ردوا عليهـم ردة تعجـب العيـن كل يبـا النومـاس قـدم محبوبـه
هذا طريح وذا شنيـع االاكاويـن واللي تعديـه السهـوم ارجلوابـه
ولحدودهم بمطرق الحـد حاميـن وقب تبـدأ فـي برايـر كسوبـه
كم عزلوا ذيـدان بـدوٍ عزيـزن لو مالهـم سبارهـم ورثعـوا بـه
ولحقوا بعيدن المساريـح عجليـن وقالوا لرعيان الأخيـذ ابشروابـه
وتوقفوا مثل المظاهيـر مرزيـن بالماقف اللي بايعوا واشتـروا بـه

اتمنى ان تحوز على رضاكم

الموضوع الأصلي: عهدي بهم | | الكاتب: حب الغموض | | المصدر: شبكة بني عبس