ضــع اعــلانك هنا

بندر بن صبح

قال ابن مزيد يوم غنا نشيده=من هاجسه غنا بيوت القصيده
ابيات شعر قالها واحترفها=حتى يصك الباب دون النقيده
ياناشد عنا ليا مطرت البيد=اقول لاهل المدن فرصه سعيده
اسوق رجلي بالفيافي والاقفار=ماهني لو المسافه بعيده
البر حبه داخل القلب سكان=مايمحي والقلب ينبض وريده
يامحلا قبل الفجر شبة النار=يوم ان ولد اللاش متوسد ايده
في خايع عشبه خزامى وربله=صابه من الوسمي مزون عديده
وسويت فنجال من البن مخصور=يجلا العماس وكل هم يبيده
وسجيت رجلي بالخلا في خلاها=واللي معي قرم وذيب ووليده
ناس مخواها يشرف ونوماس=اهل الوفاء واهل الخصال الحميده
وعند المساء نشب نار حطبها=من العبل ماهيب لوح وجريده
وكل ضوى والكيف من بيننا دار=عادات وسلوم ولاهي جديده
ومن بعدها حلو السوالف لها ذوق=سوالف اعذاب جل فريده
ودارت مثايلنا وكل يعبر=من شرد الافكار نقى شريده
هذا طرات العمر والعمر فاني=نريد والله يفعل اللي يريده