[عبد العزيز سعود الذيابي]

السلام عليكم ورحمة الله وبركاته
مساءكم شعر
نثر حروف قصيدة لم ترى النور الا مرتين
عسى ان تحصد الإعجاب
ونُشبع الذائقة

صاحبي هذا الشعور اللي جناه عتابك=يوم اسولف لك ويلقى ماحكيت صدودك
صرت لي ذاك السؤال بداخلي واشقابك=ليه احس بغيبتك حتى بوقت وجودك
طال ذاك الصمت والكلمة نفاها كتابك=ولو قريناها تجاوز رغبتك وحدودك
كل مافكيت قيد الصمت لأجل ابدابك=يبتدي صمتي ويجرح خاطري بقيودك
صاحبي طال السكوت وحان وقت غيابك=والسوالف وسط قلبي تنتظر مردودك
مابقى بالحب ليلة تنحسب بحسابك=تنزع اشواكي وتمنحني عبير ورودك
راحت الليلة وانا المفروض كنت اولابك=مالقت روحي دفاها من قسات برودك
لو شعرت الفرق مابيني وبين اصحابك=كان ترعاني لاني بالغلا موعودك

كلمات/
عبد العزيز سعود الذيابي

ولكم صادق الاخوة

الموضوع الأصلي: [ قـــيد الصمت ] | | الكاتب: عبد العزيز سعود الذيابي | | المصدر: شبكة بني عبس

[ادري طيبتي غلطه]

صح لسانك وسلم بنانك واعتلا شأنك


قصيده رائعه تنبض بكل ماهو جميل

مشاعر عذبه .. عتاب هاديء ... صدق في المشاعر

شاعريه تتجلى في ابهى حله

دمت للشعر سلطان

[صقيع الشتاء]

عبد العزيز الذيابي

ايها الجميل اينما غرد
ابيات جديرة بأن يصغي لها الدهر
وتتسابق المشاعر لها
//

قرأت نص محمل بالعذوبة ومغموس بالاسى


رعاك الله

[شاعر بني عبس]

لاهنت وصح لسانك يا عبدالعزيز
ولنا عوده

[محمد الراشد]

راحت الليلة وانا المفروض كنت اولابك

مالقت روحي دفاها من قسات برودك

لو شعرت الفرق مابيني وبين اصحابك

كان ترعاني لاني بالغلا موعودك

عبدالعزيز
ماشاء الله عليك
ليس مستغرب عليك الابداع والكثافه في المفردات
تحياتي واعجابي بك