[ابو بيان]

انقل لكم هذه المحاوره وهي على ما اعتقد انها من اخر محاورات نواف العازمي الله يرحمه ويرحم اموات المسلمين وكانت في قريه الشويمس بحفله محمد حباس غثي وكان الشعراء المتواجدون
الشاعر ناصر مرسال والشاعر منيف زايد والشاعر نواف العازمي والشاعر عمر الخالدي وان شاء الله سوف انقل باقي المحاوره في الوقت المناسب القريب
وهذه محاوره الشاعر
منيف زايد والشاعر نواف العازمي امل ان تنال اعجابكم

منيف زايد
اول المبدى هلا والي حضرنا مرحبابه
مرحبا في حفل ربعي درع جنبي تاج راسي
والله اني طارحن بالي على مسرى الذيابه
وبن منور ذيب اشهب لايروس ولا يراسي
نواف العازمي
البقاء في شاعرن مطابله غنى وجابه
بعتقاد ماعليه اقصور والمقاف حماسي
اعرف ان الذيب في قول المثل رزقه هبابه
مايهم شيخ قوم ولا يهمه دبلوماسي

منيف
والله ان اللي يعرف السيف مايجهل نصابه
والهبايب تصطفق لكن ماهزت رواسي
ابتدى عصر الصحابه وانتهى عصر الصحابه
ولى انا ماني مكلف في جحا وابو نواسي
نواف العازمي
الهبايب تصطفق والبرق في عرض السحابه
اذكر الله لاتذكرني وانا ماني بانساني
كلامة العقال تصير هي السوال هي الاجابه
وكلامتن لاباس لكن ما تجي من قو باسي
منيف زايد
بارك الله بالرجال اللي يجيدون الكتابه
لكن اختر لك كرسي واحدن بربع كراسي
كلمة العاقل تصير وكل ليلن ينسرابه
غير ليل اظلم يصير به الذهب مثل النحاسي
نواف العازمي
الليالي واجده والليل هذا احسب حسابه
الله انه لايبارك فيك يالنجم السداسي
اختلاف الراي مابين العرب مابه غرابه
الرجال يعلمون الخبل لاحاس التباسي
منيف زايد
حاسبين حساب والدعو ترى ماهي طلابه
اجمعوها واضربوها واطلعو رقمن قياسي
المواقف بين اهلها ياولد عازم تشابه
مير لن كبرت وصغرت طقها مانا ش راسي

نواف العازمي
واحدن يكذب على الشاعر وش حضرت جنابه
الصدوق يقابل العربان والكذاب خاسي

وتقبلو تحياتي
اخوكم ومحبكم
ابو بيان

الموضوع الأصلي: منيف زايد ونواف العازمي | | الكاتب: ابو بيان | | المصدر: شبكة بني عبس

[(*العرعري*)]

بيض الله وجهك يابوبيان ع النقل
وللمعلوميه اذ ماني غلطان اخر محاورة للعازمي نواف كانت مع مسعد القصير بالمدينه

[ناصر الخياري]

تسلم ابو بيان لانت .

[مرشدالمظيبري]

تسلم ابو بيان

[المشعل]

يعطيك العافيه ابو بيان

لاهنت على النقل الرائع

تحياتي لك

[سعد عبدالله]

مشكور ابو بيان على النقل لاهنت