[المشعل]

قصيدة اعجبتني ونقلتها لكم .....

محد خذا قلبي من الناس الا انت
ومحد ٍ ذبحني غير حبك وطاريه

غزيتني بشويش حتى تمكنت
قلبي تسيطر فيه وبكل مافيه

جننتني بالحب حتى تجننت
اذهبت عقلي لين ماعاد يمديه !!

همّه يفكر كيف في حبك ادمنت
وياكيف رجل ٍ يشتري الموت بيديه

من يوم شفتك جيت وبحبك اعلنت
جسمي ماعااادت تحمّله رجليه

انا اشهد انك في غرامك تفننت
بأجمل كلام الحب والعشق والتيه

وانا اشهد انك وافي ٍ ما تلونت
واذا وعدت بوعد لجلي توفيّه

وانا اشهد اني فالصعيبات مالنت
الا لحبك كيف مدري !! ولا ليه

واللي ذبحني فيك لامن تمسكنت
يجيك قلبي طوع من شان غاليه

ومدري صراحه كيف بالقلب كونت
جيش ٍ من الاشواق ماقوى تحديه

لاتلومني لا جيت في يوم واعلنت
انك ( مخدر ) غصب عني تعاطيه

لاهنت ياخلي على الحب لاهنت
ولا هان درب ٍ في محبتك بمشيه

الموضوع الأصلي: جننتني بالحب حتى تجننت... | | الكاتب: المشعل | | المصدر: شبكة بني عبس

[الحب المجهول]

صح لسانه

وشكراااااا

النقل

لاهنت

تحياتي

[المشعل]

صح بدنك ابو عبود

الله لايهينك على المرور الراائع
تحيااتي لك

[سعد محمد]

صح لسان الشاعر ولاهنت أخي المشعل على انقل

وقمه الذووق .

[عظيم الشوق]

بيض الله وجهك ..

وصح للسانك

مشكوووووووووووور

تحياتي لك

[سعد عبدالله]

ابو مشاري
صح ذوقكـ على هذه الراقيه
وانا اشهد انك في ابداعكـ تفننت
شكرا الف يالمشعل

[نواف المثني]

محد خذا قلبي من الناس الا انت
ومحد ٍ ذبحني غير حبك وطاريه



المشعل المراقب الرئع اشكرك على الجهد المبذول
وعلى نقلك للقصايد الرائعه وصـــــــتتتح السااااان قايلهاااااااا
واعجبني البيت المختصرررررررررررررررررر بقوووووووووه

تقبل مروري

[المميز]

صح لسان الشاعر ولاهنت أخي المشعل على انقل

وقمه الذووق .