[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر لطام والشاعر الجدي

الليله القاف ساري مسرى الذياب المجيعـات=الياء عوى الذيب سرحان في عاليات الرجومي
هذا قراًر وزاري حجه ويبـرى لهـا أثبـات=مرجحً كف ميزان مثل القمر والنجومي

الجدي

الليله الوضع غاري لوكان من دون مشهات=دور على راعي الضان في نايبات الحزومي
يابعد دارك وداري مثل الوطا والسمـاوات=الصقر يكفخ بجنحان لو لاح له طير بومي

لطام

ان طار جول الحباري ماعاد فيها مـراوات=ماشوف بالجو عقبان مغير طيرً يحومي
ليتك تدور مذاري ياللى صدمت السراوات=لاباس ياطير حوران ياللي تطيح وتقومي

الجدي

طارن وجتها الحراري اللي تصيد السمينات=لو كان ماكان لوكان ياللي جهلت العلومي
الجدي فوق المحاري ومن فوق كل البنايات=وان شاف له يوم عدوان شجيع ويضد قومي

لطام

أسمع صحيح البخاري واسجد لرب السمـاوت=الشعر معنا ونيشان ماهو بكثر العلومي
بعدك كشفك الرداري بانت عليك العلامات=أثريك جايع وظميان وتخيل برق الوسومي

الجدي

انته شريت السواري لكن للحرب صـولات=خذها ومن دون نقصان ياللي جهلت السلومي
موترك يضرب بواري وحنا قرانا التحيـات=لكن للخيل فرسان انشد كبار القرومي

لطام

صادمت بنكً تجاري ولاصار عندك ضمانات=لاصرت رجال فقران بالسوق مالك لزومي
أكلت كل الكباري وقضيت كل المطبـات=ياليل ياعين يادان قسمك خيار القسومي

الجدي

ياللي سكنت الصحاري اخذ العلوم الوكيدات=الجدي لو كان مابان اكيد دونه غيومي
خلك بوسط الحواري والبس جديد العبايات=صحيح شاعر وفنان لكن يمناك تومي

الموضوع الأصلي: لطام + الجدي | | الكاتب: العالم الفلكي | | المصدر: شبكة بني عبس

[الاجهر]

بيض الله وجهك على التنسيق
صحة اسلنتهم جميعا شعار مافيهم كلام

[العالم الفلكي]

اقتباس من مشاركة الاجهر بيض الله وجهك على التنسيق صحة اسلنتهم جميعا شعار مافيهم كلام

وجهك ابيض يابوسعود ومشكور على المرور

[صقر ابن عبس]

بيض الله وجهك على التنسيق
صحة السنتهم جميعا شعار مافيهم كلام

[صميدع راس]

صحت السنت الشعار

مشكور يالمشرف على التنسيق

[العالم الفلكي]

اقتباس من مشاركة صقر ابن عبس بيض الله وجهك على التنسيق صحة السنتهم جميعا شعار مافيهم كلام

ووجهك ابيض يالصقر ومشكور على المرور

[العالم الفلكي]

اقتباس من مشاركة صميدع راس صحت السنت الشعار مشكور يالمشرف على التنسيق

مشكور على المرور

[عايض ابن جوهر]

بيض الله وجيهكم على التنسيق محاوره قويه بين شعراء مبدعين
تقبلو مرورى