[رائد الذيابي]

وصل ركب الرحيل لشاطئ الغربه ودار اجناب
بعد طول الطريق اللي تمادى واتعب اركابي

ضحك وجه المدينه للمسافر والوجيه اغراب
وانا عابر سبيل وضحكتي مابينت نابي

وقفت انضر على شط المدينه والجروح اسراب
ولعنت ام الحنين وسالت الدمعه من اهدابي

هنا كنت الغريب بلا حبيب ولا وطن واقراب
حزين وماقدرة اجمع شتاتي واحسب حسابي

حداني للسهر جرحن سجني بين ناب وناب
وتركني بين صمت الذكريات بصفحة كتابي

حبيبي والغلا جرحن ذكرته وانفتح له باب
وانا لو ماذكرتك وانت ناسي ويش يبقابي

صحى هم الفراق اللي فتح للذكريات ابواب
وغفيت وماصحيت الا وطيفك يطرق ابوابي

حبيب ترسم الغيمه ملامح وجهك الجذاب
واشوفك وين مالد النضر مع كل هندابي

ذكرت اول لقا فيه اجتمعنا بالغرام احباب
الين اخر لقا منه افترقنا واخر اتعابي

فداك الجرح ياوجه تركني للملام وغاب
بقاله في حياتي طعنتين وجرح ماطابي

انا اللي كنت اضيع بنضرتك شوق و وله واعجاب
واضيق بغيبتك وتضيق بي دنياي وثيابي

عطيتك قلب واشواق وحنين وفيك ضني خاب
أحسبنك تمنى رجعتي واثرك تسلابي

تبعتك مثل ضحضاح السراب وجيت لك مرتاب
واشوفك مثصل الامس المستحيل وباكر الغابي

حبيبي وانت ماتسوى ملام ولنت قد عتاب
تعداك الملامه والعتاب وشرهة ذيابي

خطاي اني تماديت بغلاك وماحسبت حساب
أحسب ان الوفا طبع البشر واحبابي احبابي

وعزاي اني ردعت القلب عن باقي غلاك وتاب
وصحى في داخلي طفلن غرير وشايب اعرابي

حبيبي للصبر بالن طوويل وللجروح اسباب
وانا مارحت ادور للجروح اعذار واسبابي

حبيبي يوم شفت ان الزمان برجعتك كذاب
تركت للتجافي والغرور بزحمة اصحابي

رجلت وقلت اسافر عنك واجزيك الغياب غياب
واببعد واستريح من السهر واريح اعصابي

هجرت ارض الجروح ابغى عن تراب الجروح تراب
عساي انساك وانسى رجعتك والجرح وترابي

يطيب الجرح والا عسى جرح الهوى ماطاب
تفضل هاك جرحي واستريح وجرحي اولابي

طلع صبح الفراق بشاطئ الغربه ودار اجناب
ولعنت ام الحنين وسالت الدمعه على اهدابي


عــــــــــــــادل الـــذيـــابـــــي

الموضوع الأصلي: ((((... شـــــــرهـــــــــة ذيـــــــابـــــــــــي ...))))) | | الكاتب: رائد الذيابي | | المصدر: شبكة بني عبس

[المغرم اليائس]

شاعر أهل الغار ليس غريب عليه هذا الإبداع والفن الراقي
.
.
صح لسااااااان عادل مليوووووون
ومشكور ياغالي على النقل الذوووق

[إبتـہآج]

تسلــــم يــــدك عالــنـقـل

مــــشــــكور خــــيــــو

[رائد الذيابي]

أنا الصوت الصدى نبض القصايد شااعر اهل الغار
انا اللغز العجيب اللي كتم حله بصندوقه

((( عاادل الذيابي )))
المــــــــــــــغرم

مرور راااائع

شكرا لكـ

[رائد الذيابي]

اقتباس من مشاركة قمر ~ رشيد تسلــــم يــــدك عالــنـقـل مــــشــــكور خــــيــــو

قــــــــــمـــــر رشـــــــــــــيد

سلمتي

شاكر لك عالمرور

[ادري طيبتي غلطه]

[size=5]الله يعطيك العافيه على نقل القصيده

[size=5]والكلماااااات الرائعه وفي قمة الجماااااااااااااااااال [/size]


[size=5]وصح لساااااااااان شاعرها عادل الذيابي [/size]

[size=5]حبيبي والغلا جرحن ذكرته وانفتح له باب
وانا لو ماذكرتك وانت ناسي ويش يبقابي[/size]
[size=5]صحى هم الفراق اللي فتح للذكريات ابواب
وغفيت وماصحيت الا وطيفك يطرق ابوابي
[/size]

[/size]

[ابن سعيد]

صح لسان

عادل الذيابي

ومشكووووووور على النقل الجميل

[صقر المشعلي]

صح السانك يا عادل مشكوووور على النقل تقبل مروري