[االعدهي الرشيدي]

بسم الله الرحمن الرحيم



مساء / صباح عامر بالسعادة على الجميع


متواضعة أتمنى أن تصل إلى قلوبكم



رحلـت وماتـركت إلا الخفـوق اللي نبـض مـرتـاب
............................... تغيب وماتعـوّد له .. ويتغرّب وسـط صدري

غيـابـك طـال بأسبـابك .. عجزت أدري وش الأسباب
............................... مسافر ؟ شنطة أحلامي معاك إن كان ماتدري

قديمـة قصـة الفـرقـا .. قديمة غيـبـة الأحـبـاب
............................... ولكـن غيبتك تفرق .. أطيب وغيبتك كسري

جيـوش أحـزان فـ بعـادك لفـت أحـزاب بعد أحـزاب
............................... طيـور الفجـر بغيـابك نست تغريدها الفطري

معي تغرس ( غياب حضور ) ، تثمربي ( حضور غياب )
............................... معك أغرس عذر غيبة .. ويتساقط ثمر عذري

إذا تـرضى بسـاتين الـهـوى بعـدك تصيـر تـراب
............................... فعلـّمني وأنا بيـدي أبقطـف زهرك وزهري

وإذا ظنـك مثـِل ظنـي .. أبـد مـا أنحنـى أو خاب
............................... تعـال أرجـع ورجـّعني ورجّع حبك العذري

تعال أقفـل نوافـذ حزن .. شـرّع للسـرور أبـواب
............................... تمثـّل للفـرج مفتاح .. مادامه عجز صبري

تعال أسكن وطن مجدب ، وطن يظما [ حنين أغراب ]
............................... تعال وكون له غيمة .. مطر.. أنهار به تجري

تعال وبعثر أشواقي .. وتـتـناثـر شِعـر وعتـاب
............................... تعال ولمـلـم شتاتي .. والِمّ بشوفتك عمري

نحـاول نطـوي الماضي .. ونفتـح للسنيـن كتاب
............................... نـدوّن فيه أحـلام ٍ صغيرة .. بس كم تغري

نعـيش بطهـر أطفـال ٍ يشوفـون العـِدا أصحاب
............................... بيـاض قلـوبنا يمسح سواد الواقع المزري

تعبت آجـامل أشـواقي وأقـول إن القمر لو غاب
............................... يجي بعـده شعاع النور .. لاجاني سنا فجري

وأشـوف الليـل بي طوّل ونور الفجـر به قد ذاب
............................... ظلام ٍ يسكن أعماقي ..عجز هالفرْح به يسري

تعـال ونـوّر دروبه .. قبِل لا ينكسـر بـي شاب
............................... تلاحـق بعض أنفاسي .. قبِل لا تنتـهي بدري

تحيــــــــــــــــــــ ــاتـــ ـــي

الموضوع الأصلي: حـــنـيــن اغــــــراب | | الكاتب: االعدهي الرشيدي | | المصدر: شبكة بني عبس

[صاحب المعالي]

صح اللسانك

[سالم المظيبري]

صـــــــــــــــح لســــــــــانك وتحياتي

[االعدهي الرشيدي]

صحت ابدانكم جميع وتشكرات على المرور
الـــــــعـــــــــــــــــــطــــر.......

[شموخ رشيديه]

غيـابـك طـال بأسبـابك .. عجزت أدري وش الأسباب
............................... مسافر ؟ شنطة أحلامي معاك إن كان ماتدري

صـــــــــــــح لســـــــــــانك وننتظر جديدك

[ريتال الداموك]

معي تغرس ( غياب حضور ) ، تثمربي ( حضور غياب )
............................... معك أغرس عذر غيبة .. ويتساقط ثمر عذري

إذا تـرضى بسـاتين الـهـوى بعـدك تصيـر تـراب
............................... فعلـّمني وأنا بيـدي أبقطـف زهرك وزهري


جميله جداً وذوق ...لاهنت على النقل الجميل

[االعدهي الرشيدي]

تشكراااااااااات
رتال...رشيديه....على المرور العطر
ولايعلى على اذوقكم....
تحياتي