[رشيد]

خليتني مثل الكفيف أتحراك

وعليك قلبي كل همٍ يتله

تأخذني الأفكار مع طيف ذكراك

وألقاك لغزٍ يتعب الفكر حله

لا قلت وين الحل قلت أتحداك

زودت حل اللغز يا زين عله

لا والذي سوا جمالك وسواك

حبك في قلبي ثابتٍ في محله

ياليتني نسمة هواء تدخل أشفاك

أدخل لقلبك بالوفاء وأستحله

وأبني شموخ الحب داخل حناياك

ويصير قلبي ساكنٍ قلب خله

وأروي ظمأ قلبي بشوفة محياك

بعدك عطش قلبي وقربك يبله

يا عين حراً نادر الروح تفداك

حبك شرف وأفديه بالعمر كله

سبحان ربي كملك في حلاياك

يا عود موزٍ مايلٍ فوق ظله

هلت دموع العين بأسباب فرقاك

أعمى عيوني دمعها اللي تهله

ثالث سنه ودموع عيني ترجاك

والحال ناحل حبك اللي يسله


اسم القصيده وقائلها :
" شموخ الحب "
للشاعر / فهد طريقي العالي

الموضوع الأصلي: شموخ الحب | | الكاتب: رشيد | | المصدر: شبكة بني عبس

[غزلآن]

قصيده رائعه
صح السان الشاعر
وتسلم على النقل

[سعد محمد]

قصيده رائعه وشكرآ لك على النقل..,

[بنت الكويت]

قصيده رائعه وجدآ جميله ويعطيكـ ألف عآآآفيه ,,,

[رشيد]

صح لسان شاعرها ولاهنتم أحبتي

[البااارونه]

صح السان قايلها

وتسلم ايدك اخوي رشيد على القصيده الرائعه